Russula betularum
Russula betularum Russulaceae familiako onddo espezie bat da.[1]
| Russula betularum | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Sailkapen zientifikoa | ||||||||||||||||||||||||||||
| Erreinua | Fungi | |||||||||||||||||||||||||||
| Klasea | Agaricomycetes | |||||||||||||||||||||||||||
| Ordena | Russulales | |||||||||||||||||||||||||||
| Familia | Russulaceae | |||||||||||||||||||||||||||
| Generoa | Russula | |||||||||||||||||||||||||||
| Espeziea | Russula betularum Hora, 1960 | |||||||||||||||||||||||||||
| Mikologia | ||||||||||||||||||||||||||||
| ||||||||||||||||||||||||||||
Sinonimoa: Russula emetica var. betularum.
Deskribapena
aldatuKapela: 2 eta 5,5 cm bitarteko diametrokoa, globo itxurakoa, laster laua eta deprimitua, oso hauskorra. Ertza zeharrargitsua, mintzezkoa, erregularra, ildaska nabarmenekin. Kapelaren azala guztiz bereizgarria, leuna eta distiratsua, arrosa-pastel kolorekoa, krema koloreko hondoarekin, eta oso tarteka zuri-krema kolorekoa.
Orriak: Itsatsiak oso zabal, eta tartean zainekin, sabeldun samarrak, hauskorrak, zuriak.
Hanka: 3,5 eta 5,5 cm bitarteko garaierakoa eta cm 1 arteko diametrokoa, erdian, pixka bat klabiformea, nabarmen latza, zuria isla grisaxkekin hezetasunagatik.
Haragia: Urria eta hauskorra, zuria edo grisaxka hezetasunagatik, oinaren inguruan hori kolorekoa. Usain leunekoa frutarena eta zapore min samarrarekin. Erreaktiboak: Guayaco-rekin ahula eta motela (G+); sulfato ferrosorekin arrosa zurbil tonuekin.[2]
Etimologia: Latinetik dator Russula hitza, russus-etik, gorriaren txikigarritik: apur bat gorrixka, kolore gorria dutelako Russula generoko espezie askok.
Jangarritasuna
aldatuEz da jangarria.[3]
Nahasketa arriskua
aldatuEspezie konplexua, bere ingurunean hazten diren beste batzuengandik oso hurbilekoa, hala nola, Russula silvestris edo Russula emetica, eta zuzen bereizteko azterketa mikroskopikoa beharrezkoa da.
Sasoia eta lekua
aldatuUdan eta udazken hasieran. Urkien azpian zohikaztegietan, Sphagnum artean. [4]
Banaketa eremua
aldatuKanada, Ameriketako Estatu Batuak, Alaska, Mexiko, Europa, Errusia.[5]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 133 or. ISBN 84-505-1806-7..
- ↑ (Gaztelaniaz) AVM Asociacion Vallisoletana de Micologia 1986.
- ↑ (Gaztelaniaz) Velazquez Vergara José Ignacio, Suarez Gil Angela. (2009). Catalogo micológico. Banco de setas.
- ↑ Russula betularum: GBIF—the Global Biodiversity Information Facility.
Kanpo estekak
aldatu
Datuak: Q580098
Multimedia: Russula betularum / Q580098
Espezieak: Russula betularum
