Roman Cieślewicz
Roman Cieślewicz' (Lviv, 1930eko urtarrilaren 13a - Paris, 1996ko urtarrilaren 21a) ukrainar margolaria izan zen. Pintura Krakoviako arte ederretako eskolan ikasi zuen. Varsovian kartelen joera berrien ordezkari bihurtu zen. 1960-1963 urteen bitartean Ty i Ja (Zu eta ni), Poloniako kultura aldizkariko zuzendari izan zen, eta horretarako azalak diseinatu zituen 1975. urtera arte. Bere garaiko beste hainbat artistek bezala, herrialdeko bertako eta nazioarteko azoketarako standak prestatu zituen. 1963an Parisa joan zen eta marrazkilari eta zuzendari artistiko gisa aritu zen lanean. Elle etaVogue aldizkarietarako lan egin zuen. Erakusketetako katalogo asko egin zituen, eta egunkarien eta liburu-sailen itxura aldatu zuen. 1985. urtetik aurrera arte grafikoetako irakasle izan zen Parisen. Publizitatearen alorrean egindako lanarekin batera, argazki-muntaiak egin zituen (Klima aldaketa, 200 argazki inguruko saila). Bestalde, dekoratzaile eta eszenografo-lanak ere egin zituen, Iraultzaren bigarren mendeurrenean, 1989an. 1987an Parisen antolatu zuen Pas de nouvelles, bonnes nouvelles erakusketan espazioan urrunak ziren gertaeren irudiak era bortitzean hurbiltzen zituen. Ildo beretik aipatu behar dira Kamikaze no 1 (1976) eta Kamikaze 2 (1991), berri izugarriak ematen dituzten aldizkariak.
| Roman Cieślewicz | |
|---|---|
 | |
| Bizitza | |
| Jaiotza | Lviv, 1930eko urtarrilaren 13a |
| Herrialdea |  Polonia  Frantzia (1971 - |
| Heriotza | Antony, 1996ko urtarrilaren 21a (66 urte) |
| Hobiratze lekua | Crématorium-columbarium du Père-Lachaise (en)  |
| Heriotza modua | berezko heriotza: laringeko minbizia |
| Hezkuntza | |
| Heziketa | Jan Matejko Academy of Fine Arts in Krakow (en) |
| Hizkuntzak | frantsesa poloniera |
| Jarduerak | |
| Jarduerak | kartelgilea, margolaria, diseinatzaile grafikoa, diseinatzailea, artista grafikoa, argazkilaria eta tipografoa |
Parte-hartzailea
| |
| Lantokia(k) | Polonia eta Paris |
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q476100
Multimedia: Roman Cieslewicz / Q476100
