Reyes Carrere
Reyes Carrere Zabala (Donostia, Gipuzkoa, 1966ko abenduaren 31) gipuzkoar eskubaloi jokalari eta entrenatzailea eta politikaria da.
| Reyes Carrere | |||
|---|---|---|---|
2015 - 2023 | |||
| Bizitza | |||
| Jaiotza | Donostia, 1966ko abenduaren 31 (57 urte) | ||
| Herrialdea |  Gipuzkoa, Euskal Herria | ||
| Hezkuntza | |||
| Hizkuntzak | euskara gaztelania | ||
| Jarduerak | |||
| Jarduerak | politikaria, eskubaloi jokalaria eta eskubaloi entrenatzailea | ||
| Kidetza | Euskal Herria Bildu | ||
Donostian jaio bazen ere, Errenterian hazi zen, eta gerora Donostiako Intxaurrondo auzora itzuli zen bizitzera.
Kirol ibilbidea aldatu
Kirol entrenatzaile ikasketak ditu. Ereintza eskubaloi taldean hasi zen jokalari gisa, eta Bidebieta taldean –gaur egungo Bera Bera– jokatu zuen ondoren, 14 urtez.
Talde bereko entrenatzailea izan zen lehen aldiz 1999an, oraindik jokalaria zenean. 2001-2002 denboraldirarte izan zen taldeko entrenatzailea.
Ondoren, beste bi aldiz entrenatu zuen Bera Bera: 2004-2005 denboralditik 2005-2006 denboraldira, eta 2007-2008 denboralditik 2012-2013 denboraldira.[1]
Ibilbide politikoa aldatu
2015eko udal hauteskundeetan Euskal Herria Bildu koalizioa ordezkatuz, Donostiako Udalerako alkategaia izan zen. Ordutik Donostiako udaleko zinegotzia eta koalizioaren bozeramailea da udalean.
Erreferentziak aldatu
- ↑ «Udal Hauteskundeak 2019: Reyes Carrere Zabala» Irutxuloko Hitza (Noiz kontsultatua: 2023-04-17).
Kanpo estekak aldatu
Datuak: Q117768532
