Portalea (Gasteiz)
Portalea XV. mendean egindako etxe bat da, salerosleen ostatu eta salgaien gordailu izateko eraikia.[1] Gasteizko Alde Zaharraren iparraldean dago, Hedegile kalean, Andatarren dorretxearen eta Buruileria plazaren ondoan. Lehenengo jabeak Hurtado de Mendozatarrak izan ziren, Bizkaiko Urdaibaitarrak gero, eta Mazarredotarrak geroago.[1] 1950eko hamarkada arte, haritz zuraz egindako atetzar handia (hortik datorkio etxeari izena) zabalik izaten zuen, salerosleek gurdiak sar zitzaten; horrela, salgaiak lapurtzea edo hondatzea saihesten zuten. Erdi Aroko ohiko etxe baten tankera du: zurezko egitura du, eta hormak adreiluzkoak dira (tarteka, adobea erabiltzen zuten).[2]
| Portalea | |
|---|---|
 Eraikitako euskal ondasun nabarmena | |
| Alde Zaharra | |
 Portalea, Santa Maria katedraletik ikusia. | |
| Kokapena | |
| Herrialdea |  Euskal Herria |
| Probintzia |  Araba |
| Herria | Gasteiz |
| Koordenatuak | 42°51′05″N 2°40′24″W / 42.85145°N 2.67322°W |
 | |
| Historia eta erabilera | |
| Eraikuntza | XV. mendea |
| Arkitektura | |
| Ondarea | |
| EJren ondarea | 75 |
1940ko hamarkadan etxea oso hondatuta zegoen. 1950ean, Gasteizko Aurrezki Kutxak erosi zuen,[1] eta eraikina zaharberritzeari ekin zion.[3] Portalea, orduz geroztik, El Portalón jatetxearen egoitza da, eta Vital Kutxa (Gasteizko Aurrezki Kutxaren ondorengoa) da Portalearen jabea gaur egun.[4]
Erreferentziak
aldatu- ↑ a b c «La Vital saca a concurso la explotación del emblemático restaurante El Portalón»[Betiko hautsitako esteka], El Correo, 2007-10-02.
- ↑ «Erdi Aroko Gasteiz»[Betiko hautsitako esteka] erreportajea, Teknopolis telebista saioa, Elhuyar, 2011-10-16. 4. minututik aurrera, Portaleari buruzko informazio pixka bat.
- ↑ «El Portalón y la Burullería», Recordando Vitoria-Gasteiz bloga, 2009-05-15.
- ↑ Alberto CANTO: «Los dueños del restaurante Arkupe gestionarán El Portalón», El Correo, 2007-11-01.
Kanpo estekak
aldatu| Euskarazko Wikipedian bada atari bat, gai hau duena: Gasteiz |
- «El Portalón», Auñamendi Eusko Entziklopedia.
Datuak: Q12266142
