Pleuronektiforme

Osteiktieen klaseko zenbait arrainez esaten da. Gorputza zapala, asimetrikoa eta alde batetik pigmentatua dute, eta ahoa okerra. Bi begiak ahotik hurbil eta alde pigmentatuan daude. Hondo hareatsu edo lohitsuetan bizi dira.

Pleuronektiformeak edo arrain zapalak (Pleuronectiformes) arrain aktinopterigioen ordena bat dira. Aditu batzuek Perciformes ordenaren azpiordenatzat jotzen dute. 400 espezie baino gehiago dira eta zenbaitek, platuxak, mihi-arrainak, erreboiloak, oilarrak eta halibutak esate baterako, interes komertziala dute.

Pleuronektiforme
Paleozeno-gaur egun

Goldbutt 2009.JPG
Sailkapen zientifikoa
ErreinuaAnimalia
AzpierreinuaBilateria
FilumaChordata
KlaseaActinopteri
Ordena Pleuronectiformes
Linnaeus, 1758
Hazi ahala, begi bat lekuz aldatzen zaie.
Platuxa latza da arrain zapalaren adibide bat. Begiaren migrazioa nola ematen den ikusten da infografia honetan.

Gorputza zapal eta zabala dute. Gorputzaren alde batera migratzen dute bi begiek hazkuntzarekin batera[1], ahoa bere lekuan geratzen den bitartean. Helduak direnean, albo baten gainean etzaten dira itsas edo ibaietako hondoetan. Kolorez marroixkak izaten dira alde batetik (gorantz geratzen dena), eta zurixkak behean geratzen den erditik. Batzuk itsasoaren hondoan kamuflaturik bizi dira.

FamiliakAldatu

ITISen arabera[2]:

BanaketaAldatu

Mundu osoko ozeanotan aurki daitezke, Artikotik Antartikaraino. Ozeano Barearen mendebaldean eta Ozeano Indikoan espezie mota gehiago daude[3]. 0 eta 500 metro arteko sakoneran aurki daitezke, baina badira 1.500 metrora ere aurkitu direnak.

IruditegiaAldatu

ErreferentziakAldatu

  1. (Ingelesez) Brewster, B.. (1987-12). «Eye migration and cranial development during flatfish metamorphosis: a reappraisal (Teleostei: Pleuronectiformes)» Journal of Fish Biology 31 (6): 805–833. doi:10.1111/j.1095-8649.1987.tb05281.x. ISSN 0022-1112. Noiz kontsultatua: 2020-10-05.
  2. Pleuronectiformes[Betiko hautsitako esteka] Système d'Information Taxonomique Intégré
  3. (Ingelesez) Campbell, Matthew A.; Chanet, Bruno; Chen, Jhen-Nien; Lee, Mao-Ying; Chen, Wei-Jen. (2019). «Origins and relationships of the Pleuronectoidei: Molecular and morphological analysis of living and fossil taxa» Zoologica Scripta 48 (5): 640–656. doi:10.1111/zsc.12372. ISSN 1463-6409. Noiz kontsultatua: 2020-10-05.

Kanpo estekakAldatu