Ireki menu nagusia

Parnaso[1] (grezieraz Παρνασσός, Parnassós) kareharrizko mendia da, Grezia erdialdean dagoena, eta, 2.457 metroko garaierarekin, Delfos herriaren gainean altxatzen dena, Korintoko golkoaaren iparraldean. Bere inguruetan, sekulako ikuspen panoramikoa eskaintzen du, olibondoz beteak, Stereá Elláda edo Grezia Solidoa izeneko lurraldean nagusi delarik. Magalak, izei zefaloniarrez estalirik daude, eta, hauen azpian, udan, kolorez betetzen dira larre basatiak. Saiak eta arrano beltzak oso arruntak dira, baita ere neguan Pindo menditik jaisten diren otsoak ere.

Parnaso
Parnassus.jpg
Datu orokorrak
Garaiera 2.455 m
Prominentzia 1.590 m
Geografia
Koordenatuak 38° 31′ 59″ N, 22° 37′ 00″ E / 38.533°N,22.6167°E / 38.533; 22.6167Koordenatuak: 38° 31′ 59″ N, 22° 37′ 00″ E / 38.533°N,22.6167°E / 38.533; 22.6167
Honen parte da Greziar mitologia
Mendikatea Pindo
Herrialdea Grezia
Lurraldea Ftiotida
Mendizaletasuna
Ohiko bidea trekking

Hurbilen aurkitzen diren herriak, Delfos eta Arakhova dira, azken hau, ospetsua bere ardo, gazta eta ardi larruzko tapizengatik. Tontorrik garaiena Liákoura izenekoa da, mendizaleen artean elkargune tokia. Arakhovatik 26 kilometrotara Fterólaka izeneko eski estazio bat dago.

Parnaso izenak, itxuraz, bere etimologia aurregrezierazko substratuan du (pelasgo ere deitua), -ssos atzizki bezala duenez, oso ohikoa toponimoetan (Knossos, Korinthos, Zakinthos...). Beste alde batetik, Parna-rentzako hititar hizkuntzan etxe esan nahi duen hitzaren erro berbera proposatu da.

Parnaso mitologianAldatu

 
Nicolas Poussinek eginiko marrazkia. Apolo eta Musak Parnasoan

Greziar mitologian, Parnaso Poseidon jainkoa eta Kleodora lamiaren semea izan zen, doriar eta foziarren lurraldeen artean hedatzen den mendikatearen heroi eponimoa.

Delfoseko orakuluaren sorreraren arduradun bezala jotzen da, gero Apolok hartuko zuena, mendi honen magalean, Musak bizi ziren tokia, Apolok deituta joan zirenak Helikon menditik.

Greziarren artean Musen eta Apoloren bizitokitzat joa, literaturan zein olerkaritzan, Parnaso, olerkarien aberri sinbolikotzat hartzen da.

Parnasoren hegoaldeko magalean daude Kastaliaren iturria eta Delfoseko Apoloren Tenplua, non Delfoseko orakulua zegoen

Parnaso mendia literaturanAldatu

ErreferentziakAldatu

Wikimedia Commonsen badira fitxategi gehiago, gai hau dutenak: Parnaso