Eski-estazio

Eski-estazioa edo eski-gunea elurraz gozatzeko prestatutako gune bat da. Makina bereziek prestatu eta kolorez sailkatutako (berde, gorri, beltz, urdinak) eski pista balizatuak dituzte, baita iraupeneko pistak, erabiltzaileen atsedenerako hotelak, eskiatzaileak gune altuetara eramateko erremonteak, baita zerbitzu ezberdinak ere, lerak erabiltzeko guneetatik irristaketa pistetaraino.

Pista motak

Berdea: pista oso errazak, malda txikikoak (%10-15), oro har oso laburrak (500 metro baino gutxiago), klimatologikoki eta altuera txikietan gordeak. Elur kiroletako hasiberrientzat egokienak dira. Erremonteak pista hauetan, gainontzekoetan baino motelagoak dira, eta indar gutxiago dute, erabiltzailea ez beldurtzeko.
Urdina: Pista erraz eta ertainak. Pista hauek, berdeek baino malda gehiago dutenak, eskiaren praktikan hurrengo pausua dira. Jada ez dira ikasteko pistak. Hemendik maila guztietako eskiatzaile eta snowboarderrak pasatzen dira, eta bertara iristeko erremonteak jada ez dira hasten ari direnentzako bereziak.
Gorria: Pista zailak dira, maila ertain-altuko eskiatzaile eta snowboarderrentzako pistak dira. Malda handiko pistak izaten dira, askotan, %40a baino gehiagokoak
Beltza: Pista oso zailak dira. Hauek, esperientzia handiko. Zailtasunik handiena, bere maldan dago, %50eko goitiera izan baitezakete, baita pasabide oso estuak izatea ere, non, trebetasun handia behar den birak egiterako orduan, ez baitagoki toki askorik. Pista balizatu ederrenak dira, oso altuera garaietan egoten baitira, eta, goitiera handia dutenez, eta praktikatzaile gutxi bere zailtasunagatik, bertatik ikus daitezkeen ikuspegiak biziki ikusgarriak dira.
Ibilbidea: Laranja kolorearekin adieraziak, ibilbideak, estazioak berak proposatzen dituen ibilbideak dira, baina prestatu eta balizatu gabe daudenak. Honen ondorioz, esperientzia handiko zaletuei egitea bakarrik gomendatzen zaie, eta beti taldean, estazioaren zerbitzuek ez baitituzte ibilbide hauek hartzen, non elurra ez dagoen makina edo eskiatzaileek zanpatua, eta ibilbidea ongi zehaztu gabe dagoen, horren ondorioz, aurretik ezagutuz gero bakarrik egin beharko liratekeelarik. Estazioak adierazi baina ardurarik hartzen ez duen ibilbide oso luzeak edo bereziki zailak dira.
Pistatik kanpo: Pistatik kanpoko eskiak, ibilbidearen ezaugarri berberak ditu. Zailtasun tekniko eta arrisku naturalak ditu, elur-jausiak kasu. Baina hauek ez daude estazioak berak adieraziak. Oinarrian, eskiatzaile oso aditu bat, menditik jaistean datza, berak nahi duen tokitik, bide zehatz bat jarraitu gabe. Eskiatzailea, balizatu gabeko, makinek zanpatu gabeko eta ohi inor pasatzen ez den toki batetik jaisten da.
Iraupena: Eski nordikoaren zaleentzako bereziki prestatutako zenbait kilometrotako ibilbideak dira.

Erremonte motak

Zerbitzuak

Jatetxea: maila ezberdinetan dauden kafetegietatik, jatetxe eta self-servicetara
Segurtasuna: elur motoak izaten dituzte, lesionatutako pertsonak berehala eramateko, baita lehen sorospenerako gelak ere
Beste batzuk: Telefonia, megafonia, bainuak
Ostatuak: Albergeak eta hotelak.

Beste hitz batzuk

Forfait

Ikus, gainera

Eski
Atudem

Kanpo estekak

(Gaztelaniaz)Esquí Web - Espainiako eski estazio guztiei buruzko informazioa

Datuak: Q130003
Multimedia: Ski resorts / Q130003