Pakistan Monumentua
Pakistan Monumentua (urdueraz: یادبود پاکستان) Pakistango Islamabad hiriburuan dagoen monumentu bat da, pakistandarren batasuna irudikatzen duena. Muino batean kokaturik dagoenez Islamabad eta Rawalpindi hirietatik ongi ikusten da, eta toki turistiko nagusietako bat bihurtu da, egunero 1.500 turista hartzen ditu batazbeste.
| Pakistan Monumentua | |
|---|---|
| Pakistan Monument Museum | |
 | |
| Kokapena | |
| Estatu burujabe |  Pakistan |
| Pakistanen banaketa administratiboa | Islamabad Capital Territory |
| Hiria | Islamabad |
| Koordenatuak | 33°41′36″N 73°04′06″E / 33.6933°N 73.0683°E |
 | |
| Historia eta erabilera | |
| Irekiera | 2007ko martxoaren 23a |
| Jabea | Ministry of Culture (en)  |
Historia aldatu
2002an planteatu zen horrelako monumentu baten beharra. Kultura Ministerioak lehiaketa antolatu zuen[1] eta 20 proposamen jaso ziren. 2003ko uztailaren 10ean Arif Masoud-en proiektua izendatu zuten irabazle[2].
2004ko maiatzaren 25ean ezarri zen aurreneko harria eta 2007ko martxoaren 23an inauguratu zuen Pervez Musharaf presidenteak[3].
Deskribapena aldatu
2'8 hektareatako azalera hartzen du[3] Shakarparian mendien oinean[2], eta mogolen arkitekturako mukarna tradizionaletan inspiraturik lore erraldoi baten petaloak irudikatzen ditu. Lau petalo handi ditu eta bakoitza Pakistango kultura nagusi baten sinboloa da; Punjab, Balutx, Sindhi eta Paxtun kulturak. Hiru petalo txikiago ere baditu eta herrialdean dauden gutxiengoak errepresentatzen dituzte. Petaloak granitozkoak dira eta Pakistango paisaien marrazkiez eta Pakistanen independentzia prozesuak ezinbestekoak izan ziren liderren irudiez eta musika eta dantza eszenez apaindurik daude[4].
Petalo guztiek Pakistango banderak duen ilargi erdia eta izarra babesten dute. Izarraurrezko izarrak ditueen granito beltzez osatua dago eta ilargia altzairuzkoa da eta inspiraziozko idatziak ditu.
Erabilera aldatu
Monumentu nazionala izateaz gain Pakistanen sorrera eta historia erakusten duen museoa ere bada. Argizari museoa ere badu barnean. Horretaz gain auditorio txiki bat ere badago, 62 eserleku dituena[5].
Monumentuaren ertz batean Islamabad hiriaren ikuspegi itzela duen plataforma garai bat dago.
Iruditegia aldatu
-
Pakistan Monumentua. -
Hiru petaloren erdia ilargia. -
Erdiko plataforma, izarra eta ilargia. -
Monumentuaren arkuak.
.jpg)
Erreferentziak aldatu
- ↑ «Pakistan.Gov.pk - The Official Web Gateway to the Government of Pakistan» web.archive.org 2007-11-16 (Noiz kontsultatua: 2022-03-04).
- ↑ a b (Ingelesez) «ISLAMABAD: Monument to be built at Shakarparian» DAWN.COM 2004-01-10 (Noiz kontsultatua: 2022-03-04).
- ↑ a b (Ingelesez) «National Monument: Structure reflects history of Pakistan | The Express Tribune» The Express Tribune 2013-08-28 (Noiz kontsultatua: 2022-03-04).
- ↑ Saleem, Raja M. Ali. (2017). State, nationalism, and Islamization : historical analysis of Turkey and Pakistan. ISBN 978-3-319-54006-1. PMC 993771933. (Noiz kontsultatua: 2022-03-04).
- ↑ (Ingelesez) «Pakistan Monument Museum attracts people» Daily Times 2016-05-03 (Noiz kontsultatua: 2022-03-04).
Kanpo estekak aldatu
Datuak: Q3695640
Multimedia: Pakistan Monument Islamabad / Q3695640
