Ireki menu nagusia
Páramo Leonésen kokapena Leóngo probintzian

Páramo Leonés Leóngo probintziako eskualde tradizional, geografiko eta kulturala da, Espainian. Hegoaldean Zamorako probintzian barneratzen da. Bere geografia Esla eta Órbigo ibaien artean hedatzen da, Kantabriako Mendien lehen mendietatik iparraldean eta bi ibai hauek Benaventetik gertu elkartzen diren punturarte hegoaldean.

Nahiko laua da, Iberiar Penintsulako eskualde lauenen artean dago. Tertziarioan sortutako sedimentu alubiarra da bere lurzorua, eta hauek ez dute ia higadurarik jasan azken 25 milioi urtetan. Lurralde honetan batez ere nekazaritza aurki daiteke, Barrios de Lunako eta Esla-Órbigo transbaseak ureztatuta.

20.000 biztanle inguru bizi dira eta bere herririk garrantzitsuena Santa María del Páramo da.