Zamora Espainiako probintzia bat da. Gaztela eta Leongo autonomia erkidegoan kokatuta dago, haren ipar-mendebaldean.

Zamora
Gaztela eta Leon
Zamorako bandera

Zamorako armarria

Administrazioa
Estatua Espainia
ErkidegoaGaztela eta Leon
HiriburuaZamora
ISO 3166-2ES-ZA
Espainiako Gorteak
Kongresuan
3 / 350
Senatuan
4 / 260
Geografia
41°45′N 6°00′W / 41.75°N 6°W / 41.75; -6
Azalera10.561 km² Espainiaren % 2,09
Demografia
Biztanleria197.221 biztanle (2008)
Espainiaren % 0,43
Dentsitatea18,7 bizt/km²
Herritarrazamorar
www.zamoradipu.es

2006. urtean, probintziak 197.492 biztanle zituen. Hiriburua Zamora hiria da. Beste hiri nagusiak Benavente, Puebla de Sanabria, Toro eta Villalpando dira.

Geografia aldatu

Muga hauek ditu: Iparraldean Leon eta Ourense, ekialdean Valladolid, hegoaldean Salamanca eta mendebaldean Alto Tras-os-Montes (Portugal).

Iberiar Penintsulako iparraldeko goi-ordokian dago Zamora. Duero ibaiak alderik alde igarotzen du probintzia, ekialdetik mendebalera. Iparraldetik hegoaldera, Duerora isurtzera doan Esla ibaiak bi zati egiten du Zamorako iparraldea: ekialde zelaia batetik, larre zabalak eta labore sailak dituena, eta mendebal menditsua bestetik, Leongo mendien hego-ekialdea hartzen duena eta Galiziako mendiekin muga egiten duena. Lurralde horretan daude Zamorako mendi garaienak: Pena Trevinca (2.021 m) eta Peña Negra (2.124 m). Mendi horien hegoaldean Sanabriako lurraldea, aintzira asko dituena, eta Terako ibarra, abere hazkuntzarako oso egokia dena, daude. Gainerakoa ordokia da.

Klima kontinentalekoa da Zamora, oso uda beroak ez baditu ere, negu hotzak dituena. Euri gutxi izaten da, 300 mm inguru urtean.

Ekonomia aldatu

XX. mendean zehar, 1950. urtetik aurrera, batez ere, biztanle kopuruak behera egin du, jende asko joan baitzen garai hartan Bartzelonara, Euskal Herrira eta Europako beste zenbait herritara lan egitera. Ekonomia nekazaritzan oinarritua da: azukre erremolatxa, laboreak eta, Duero ibaiaren arroan, mahastiak dira gehien lantzen diren gaiak. Lihoa ere egiten da Sanabrian, Alisten eta Carvajalesen. Ipar-mendebaleko mendietan basoa ustiatzen da. Duero eta Esla ibaietan zehar zentral hidroelektrikoak daude. Industria, nekazaritzako gaiak eraldatzera bideratua, Zamoran, Toron eta Benaventen dago bilduta.

Eskualdeak aldatu

Udalerriak aldatu

Sakontzeko, irakurri: «Zamorako udalerrien zerrenda»
  1. Zamora (hiriburua): 65.575 biztanle (2002).
  2. Benavente: 17.127 bz.
  3. Toro: 9.079 bz.
  4. Fuentes de Ropel: 1.844 bz.
  5. Morales de Valverde: 1.832 bz.
  6. Villalpando: 1.677 bz.
  7. San Cristóbal de Entreviñas: 1.629 bz.
  8. Puebla de Sanabria: 1.628 bz.
  9. Villardefallaves: 1.626 bz.

Hizkuntzak aldatu

Zamorako hizkuntza nagusia gaztelania da. Halaber, lurraldearen zatirik handienean hizkuntza bakarra ere bada. Hala ere, Zamorako ipar-mendebaldean galiziera nagusi den herri batzuk badira eta, era ahulagoan, galiziera nagusi den zonalde horren ondoan, leonera edo horren arrastoak mantentzen dituzten herri batzuk ere badira.

Zamoran, hortaz, leonerazko hiztun gehienak bizi dira, Sanabria, Benavente, Aliste, Sayago eta Los Arribes eskualdeetan.

Halaber, As Portelas/Las Portillas eskualdean galizierazko hiztunak nagusi dira.

Ikus, gainera aldatu

Kanpo estekak aldatu


Erreferentziak aldatu