Ormuzko itsasartea
Ormuzko itsasartea[1] (arabieraz: هرمز, persieraz: تنگه هرمز) Omango golkoaren eta Persiar golkoaren artean kokaturiko itsasarte estua da. Omango golkoa itsasartearen hego-ekialdean dago; eta Persiar golkoa, hego-mendebaldean. Iparraldeko kostaldean Iran du; eta hegoaldekoan, Arabiar Emirerri Batuak eta Musandam gobernantzia (Oman). 55 eta 95 kilometro arteko zabalera du.
| Ormuzko itsasartea | |
|---|---|
 | |
| Ozeanoa | Indiako ozeanoa |
| Kontinentea | Asia |
| Koordenatuak | 26°36′N 56°30′E / 26.6°N 56.5°E |
| Zabalera | 55-95 km |
| Sakonera | batez bestekoa: 80 m handiena: 200 m |
K. a. VII. mendetik XIX. menderaino piraten babesleku zen. Gaur egun, Persiar golkoko petrolioa esportatzen duten petrolio ontzien pasabidea izanik, garrantzi estrategiko handikoa da. Ormuzko itsasartearen uretan munduko petrolioaren bosten bat garraiatzen da. Aipagarria da Ormuz uharteko izen bereko hiria, Ekialdeko perlen eta salgaien merkataritza-portu nagusia izan zena.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
aldatu
Datuak: Q79883
Multimedia: Strait of Hormuz / Q79883
