Ongai-Vallesantoro jauregia

Ongai-Vallesantoro jauregia Nafarroa Garaiko Zangoza udalerriko Alde Zaharran kokatutako XVII. mendeko jauregi bat da. Barroko estiloa ditu.

Ongai-Vallesantoro jauregia
UNESCOren gizateriaren ondarea
Aragoiko bidea
Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Zangoza
Koordenatuak	42°34′32″N 1°17′04″W
Historia eta erabilera
Irekiera	XVII. mendea
Gizateriaren ondarea
Erreferentzia	669-392
Eskualdea	Europa eta Ipar Amerika
Izen-ematea	bilkura)
392

Historia

Ongai-Vallesantoro jauregia eraikin barrokoa da, XVII. mendearen bukaeran egina. Jatorriz Ongai familiaren egoitza izan zen; Blas Ongai Iriarte agindu zuen eraikina altxatzea. Haren alaba Nafarroa Beherako Arnegiko Juan Etxeberri Etxnike Lesaka Berniarekin ezkondu zen. XIX. mendean jabea Leopoldo de Gregorio y Paterna, Vallesantoroko markesa, izan zen; Nafarroako erregeordea izan zen eta Mercedes Ayanz Ureta-rekin ezkondu zen. Garai horretan eraikinari elementu neoklazikoak gehitu zitzaizkion.

Gaur egun, Zangozako kultur-etxea da eta Nafarroako Foru Aldundia da jabea.

Ezaugarriak

Fatxada Churriguerescoko estilokoa da. Bereziki ederra zur landuan egindako teilatu-hegatsa da, Nafarroako landuenetariko bat. Teilatu-hegatsan Mexikoko zein Peruko arte kolonial amerikarraren apainketa batzuk ikus daitezke: sirenak, horma-besoak, animalia fantastikoak...

Eraikinaren beheko solairua harlanduz egina dago. Hiru solairu ditu, bestetik, adreiluz eginak. Barruan deigarria da eskaileraren balaustrada handia.

XIX. mendean elementu neoklasikoak gehitu zitzaizkion: frontoia eta armarri neoklasikoa, atariko eta azken solairuko Salomonen zutabeak.

Teilatu-hegatsaren argazki errekonstrukzioa

Iruditegia

• 
  Atari churriguereskoa
• 
  Teilatu-hegats ikusgarria
• 
  Eskailera ikusgarria

Erreferentziak

• Nafarroako Entziklopedia Handia | ZANGOZA. (Noiz kontsultatua: 2022-02-01).

Ikus gainera

• Alde Zaharra
• Zangoza

Kanpo estekak

• Datuak: Q63241198
• Multimedia: Palace of Ongay-Vallesantoro / Q63241198