Nicolás Fernández de Moratín

Nicolás Fernández de Moratín (Madril, 1737ko uztailaren 20a – Ibid.,1780ko maiatzaren 11) poeta, prosista eta dramaturgoa izan zen, bera ere dramaturgo izan zen Leandroren aita.

Nicolás Fernández de Moratín
Irudi gehiago
Bizitza
Jaiotza	Madril, 1737ko uztailaren 20a
Herrialdea	Spain
Lehen hizkuntza	gaztelania
Heriotza	Madril, 1780ko maiatzaren 11 (42 urte)
Familia
Seme-alabak	ikusi Leandro Fernández de Moratín
Hezkuntza
Hizkuntzak	gaztelania
Jarduerak
Jarduerak	poeta, idazlea eta komediantea
Genero artistikoa	olerkigintza

Biografia eta lana

Nicolás Fernández de Moratín Madrilen jaio zen, 1737ko uztailaren 20an. Asturiar jatorriko familia izan zuen.

Calatayudeko jesuita eskolan ikasi zuen eta Valladolideko Unibertsitatera joan zen gero.

Abokatu izan zen Madrilen eta San Sebastián fondako tertuliaren partaide izan zen, José Cadalso, Tomás de Iriarte eta Ignacio López de Ayalarekin batera.

Madrilgo Adiskideen Errege Elkarte Ekonomikoaren kide izan zen eta baita Arcadiako akademiarena ere.

1773an Poetikako katedraren ardura izan zuen Madrilgo Reales Estudios de San Isidro eskolan.

Lanak

Poesia

1764an, El poeta egunkaria argitaratu zuen bere bertsoak azaltzeko xedean.

Hurrengo urtean, berriz, poema didaktiko luze bat argitaratu zuen: La Diana o arte de la caza.

Hurrengo hamarkada arte ez zuen beste poema didaktikorik egin, burlesko tonuan: el Arte de las putas o Arte de putear. Eskuizkribuan eran egin zen ezaguna eta ez zen 1898 arte argitaratu, autorea hil eta handik 100 urtera.

Antzerkia

• Komedia bat: La petimetra (1762)
• 3 tragedia: Lucrecia (1763), Hormesinda (1770) eta Guzmán el Bueno (1777).

Antzerkia neoklasizismoaren idealen barnean ikusi zuen, formazio etikoa ematen zuen eskola. Garaian espainiar antzerki klasikoari buruzko ika-miketan hartu zuen parte bere 3 folletokin: Desengaños al teatro español.

Tauromakiaren gaia

XVIII. mendean tauromakian interesatu zen idazle gutxietako bat izan zen eta Fiesta de toros en Madrid izeneko poema izan zen ezagunenetako bat.

Oda pindariko bat dedikatu zion Pedro Romero toreroari: Canción a Pedro Romero .

Era berean, zezenen inguruan, Carta histórica sobre el origen y progresos de las fiestas de toros en España (1777) idatzi zuen prosan.

Epigramak

Hau egin zen oso ezagun:

«

Admiróse un portugués de ver que en su tierna infancia todos los niños en Francia supiesen hablar francés. «Arte diabólica es», dijo, torciendo el mostacho, «que para hablar en gabacho un fidalgo en Portugal llega a viejo y lo habla mal; y aquí lo parla un muchacho»...

»

Kanpo estekak

• Datuak: Q2655029
• Multimedia: Nicolás Fernández de Moratín / Q2655029