Nazar
Nazar[2] Nafarroa Garaiko mendebaldeko udalerri bat da, Lizarrako merindadekoa. Berrotza haranean dago. 45 biztanle zituen 2014. urtean. Iruñea hiriburutik 67 kilometro mendebaldera dago. Nazarreko herrigunetik banatuta Desiñana izeneko auzo hustua dago; oraindik ere, antzinako etxeen eta XVI. mendeko eliza gotiko baten arrastoak kontserbatzen ditu.
| Nazar | |||
|---|---|---|---|
 Nafarroa Garaia, Euskal Herria | |||
 | |||
|
| |||
| Administrazioa | |||
| Estatua | Espainia | ||
| Erkidegoa | Nafarroako Foru Erkidegoa | ||
| Merindadea | Lizarrako merindadea | ||
| Izen ofiziala |
 Nazar | ||
| Alkatea |
Alfredo Montoya Bujanda (AIEN, indep.) | ||
| Posta kodea |
31282 | ||
| INE kodea |
31182 | ||
| Herritarra | nazartar | ||
| Kokapena | |||
| Koordenatuak | 42° 38′ 15″ N, 2° 16′ 44″ W / 42.6375°N,2.2788888888889°WKoordenatuak: 42° 38′ 15″ N, 2° 16′ 44″ W / 42.6375°N,2.2788888888889°W | ||
  Nazar Nazar (Nafarroa Garaia) | |||
 Ikusi OpenStreetMapen | |||
| Azalera | 6,51 km2 | ||
| Garaiera | 731 metro | ||
| Distantzia | 67 km Iruñera | ||
| Demografia | |||
| Biztanleria | 45 biztanle | ||
|
% 57,78   % 42,22 | |||
| Dentsitatea | 6,91 biztanle/km² | ||
| Hazkundea (2003-2013)[1] |
 -% 18,18 | ||
| Zahartze tasa[1] | % 14,7 | ||
| Ugalkortasun tasa[1] | ‰ 0 | ||
| Ekonomia | |||
| Jarduera tasa[1] | % 0 (2011) | ||
| Genero desoreka[1] | % 0 (2011) | ||
| Langabezia erregistratua[1] | % 7,69 (2013) | ||
| Kultura | |||
| Euskaldunak | % 5,36 (2010) | ||
| Euskararen erabilera | % 0,2 (2011) | ||
| Datu gehigarriak | |||
| Webgunea | http://www.nazar.es/ | ||
GeografiaAldatu
Kodesko mendizerratik gertu egonik, inguruko Costalera Haitza eta Mataberdeko basoak Nazarretik hurbil daude.
Ingurune naturala eta klimaAldatu
Nazarrek klima mediterraneo kontinentala dauka. Urteko batez besteko balioak altuera eta kokapenaren arabera aldatzen diren arren 6 eta 10 gradukoak dira tenperaturaren kasuan eta 800 eta 1400mm bitartekoak prezipitazioen kasuan. Urteroko egun euritsuak 100 eta 120 artean izaten dira.
Gizakiaren eraginak jatorrizko landaredia nahiko kaltetu duen arren, 164 hektarea arte geratzen dira oraindik ere.
MugakideakAldatu
Nazarrek mugakide ditu iparraldean Mendaza eta Arabako probintzia; ekialdean Mendaza; eta hegoaldean Torralba del Río eta Mirafuentes.
HistoriaAldatu
1847an herriak 490 errealeko eskola zeukan, parrokian herritarren artean aukeraturiko abadea eta hiru onuradun zeuden. XX. mendearen hasieran, eraiki gabe zegoen herrira heltzeko errepidea. XVIII. mende amaieran ospitalea zegoen herrian.
DemografiaAldatu
| Nazarko biztanleria |
|---|
 |
| Datu-iturria: www.ine.es |
2008ko erroldaren arabera, herrian ez da etorkinik bizi.
PolitikaAldatu
Udal hauteskundeakAldatu
Nazarko alkatea AIEN herri ekimeneko Alfredo Montoya Bujanda da 2007ko udal hauteskundeez geroztik; urte horretan aurkeztutako hautagai bakarra izan zen. Boto baliogabeak bi izan ziren (emandako boto guztien %6,06), eta boto zuriak hemezortzi (%58,06). Abstentzioa, berriz, %35,29 izan zen.
| Alderdia | Botoak | Aukeratua? |
| Alfredo Montoya Bujanda (AIEN) | 84 | Bai |
2011ko udal hauteskundeetan, ordea, ez zen zerrendarik aurkeztu eta Montoyak jarduneko alkate segitu zuen.[3]
UdaletxeaAldatu
- HELBIDEA: La Fuente Kalea, 1
AlkateakAldatu
| 2007-2011 | Alfredo Montoya Bujanda | AIEN |
| 2011-2015 | Alfredo Montoya Bujanda | Jardunean |
EuskaraAldatu
Nafarroako Foru Erkidegoko Gobernuak onartutako Euskararen Foru Legearen arabera, Nazar eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldan, herritarren % 5,56k zekien euskaraz hitz egiten.
Jaiak eta ospakizunakAldatu
Nazarko jaiak abuztu amaieran ospatzen dira. Jaietako ospakizunik ospetsuena aizkora jaurtiketa da. Lehiaketa hau 2004. urtean hasi zen antolatzen eta urtero 60 bat pertsonak hartzen dute parte.
ZerbitzuakAldatu
Antzin-Ameskoako Zerbitzu Sozialen Mankomunitatea, zaborra bildu, ura hornitu eta bestelako zerbitzuez arduratzen da Nazar eta eskualdeko beste hainbat herritan.
Ondasun nabarmenakAldatu
- San Pedro eliza, estilo aurregotikoko eraikina, XIII. mendean eraiki eta XVI. mende eta XVII. mendeetan birmoldatua. Lau zatitan banaturiko nabe luze batez osaturik dago
- Loreto baseliza, XVI. mendeko estilo gotiko-pizkundetarreko baseliza.
ErreferentziakAldatu
Kanpo loturakAldatu
- (Gaztelaniaz) Nazarri buruzko informazioa Nafarroako Gobernuaren webgunean.
- Nazarko Kale nagusia Google Street View-n.
| Euskarazko Wikipedian bada atari bat, gai hau duena: Nafarroa |