Nama
Nama (lehen namaqua deitua) khoikhoi taldeko herria da, gaur egun 200.000 kide inguru dituena. Nama gehienak erdialdeko Namibian bizi dira, eta gainerakoak, Namaqualand eskualdean. Namera dute hizkuntza, nahiz eta askok afrikaansez ere hitz egin.
| Namak | |
|---|---|
XX. mendeko namak | |
| Biztanleak guztira | |
| 200.000[1] | |
| Biztanleria nabarmena duten eskualdeak | |
 Namibia Botswana Hegoafrika | |
| Hizkuntza | |
| Namera | |
| Erlijioa | |
| Animismo, kristautasun | |
| Zerikusia duten beste giza taldeak | |
| Khoikhoi herriak |
Historia
aldatuXVII. eta XVIII. mendeetan, hereroak ekialdetik egungo Namibiara migratu ziren, eta abeltzain finkatu ziren. XIX. mendearen hasieran, Hegoafrikako nama herria, jadanik su-armak zituztenak, hereroen lurraldeetan sartu ziren, merkatari zuriek eta misiolari alemaniarrek jarraituta. Hasiera batean, namak hereroak mugiarazten hasi ziren, baina geroago, bi herriak elkartu ziren.
XIX. mendearen amaieran, lehenengo kolono europarrak lurralde horretan sartzen eta finkatzen hasi ziren. Damaraland batik bat, kolono alemaniarrek hereroen lurrak lortu zituzten baserriak kokatu nahian. Hori guztia, alemaniar aginte koloniala izan zen. Hego-mendebaldeko Alemaniar Afrika izenpean kolonia bilakatu zen lurralde hori.
Handik gutxira, kolono alemaniarren eta abeltzain hereroen arteko liskarrak hasi ziren, batik bat ura eta lurra hartzeko eskubideen gainean, baita jatorrizko populazioaren diskriminazioarengatik ere.[2] Azkenean, 1904an, hereroak eta namak matxinatu ziren (Hereroen Gerrak). Nahiz eta hasieran arrakasta izan, Alemaniar Inperioak 15.000 gizonekin Lothar von Trotha buru zuen armada bidali zuen. Matxinada itzali zen, baina horren ondorioz 25.000 eta 100.000 herero artean (65.000 ziurrenik), 10.000 bat nama eta 1.749 alemaniar hil ziren.[3][4] Triskantzaren mendeurrenean, Heidemarie Wieczorek-Zeul Alemaniako Garapen eta Kooperazio ministroak barka zitzaten eskatu zuen, alemaniarren izenean.
Erreferentziak
aldatu- ↑ Brenzinger, Matthias. (2011). Witzlack-Makarevich & Ernszt ed. The twelve modern Khoisan languages. in: Khoisan languages and linguistics: proceedings of the 3rd International Symposium, Riezlern / Kleinwalsertal. Kolonia: Rüdiger Köppe Verlag.
- ↑ Moses, A. Dirk. (2008). Empire, Colony, Genocide: Conquest, Occupation and Subaltern Resistance in World History. New York: Berghahn Books ISBN 978-1-84545-452-4..
- ↑ Schaller, Dominik J.. (2008). From Conquest to Genocide: Colonial Rule in German Southwest Africa and German East Africa. New York: Berghahn Books, 296 or. ISBN 1-8454-5452-9..
- ↑ Sara L. Friedrichsmeyer, Sara Lennox, and Susanne M. Zantop. (1998). The Imperialist Imagination: German Colonialism and Its Legacy. University of Michigan Press, 87 or. ISBN 978-0-47209-682-4..
Kanpo estekak
aldatu
Datuak: Q694525
Multimedia: Nama people / Q694525
