Nagasaki (prefektura)

Nagasaki prefektura (japonieraz: 長崎県, Nagasaki-ken) Japoniako Honshu uharteko prefektura bat da. 2012ko erroldaren arabera 1.407.904 biztanle ditu. Hiriburua Nagasaki hiria da.

Nagasaki prefektura 長崎県
Japonia
Ereserkia
Minami no Kaze (en)
Administrazioa
Estatua	Japonia
ISO 3166-2	JP-42
Hiriburua	Nagasaki
governor of Nagasaki Prefecture (en)	Hōdō Nakamura (en)
Zatiketa	ikusi Nagasaki, Sasebo (en) , Shimabara, Isahaya (en) , Ōmura (en) , Hirado, Matsuura (en) , Tsushima (en) , Iki (en) , Gotō (en) , Saikai (en) , Unzen (en) , Minamishimabara (en) , Nishisonogi district (en) , Higashisonogi district (en) , Kitamatsuura district (en) eta Minamimatsuura district (en)
Geografia
Koordenatuak	32°45′00″N 129°52′03″E
Azalera	4,104,48 km²
Mugakideak	Saga
Punturik altuena	Unzen
Demografia
Biztanleria	1.307.309 (2021eko martxoaren 1a)
Dentsitatea	351 bizt/km²
Informazio gehigarria
Eskualdea	Kyūshū
Uhartea	Kyūshū
Ordu eremua	UTC+09:00 eta Japan Standard Time (en)
Matrikula	長崎 eta 佐世保
pref.nagasaki.jp, pref.nagasaki.jp…, pref.nagasaki.jp… eta pref.nagasaki.jp…

Nagasaki prefekturako mapa

Historia

Nagasaki prefektura Hizen antzinako probintziaren mendebaldeko erdia Tsushima eta Iki antzinako probintzien bat egitetik sortu zen. Txinatik eta Koreatik gertu egonik, historian zehar merkataritza- eta pirata-gunea izan da Hirado ingurua.

XVI. mendean misiolari katolikoak eta merkatari portugesak iritsi ziren, eta Hiradon eta Nagasakin merkataritza-postu garrantzitsuak ezarri zituzten. Geroago, Tokugawa Aroan, misiolariak kanporatuak izan ziren, eta merkataritza murriztua. Hala ere kristatutasuna hedatu egin zen eskualdean.

Meiji berrezarkuntzaren garaian, Nagasaki eta Sasebo kanpo-merkataritzako portu nagusietakoak izan ziren, eta Japoniako itsas armadaren baseak eta ontziolak ezarri ziren. 1945eko abuztuaren 9an, Bigarren Mundu Gerran, Estatu Batuek bonba atomiko bat jaurti zuten Nagasakin. 73.000 pertsona hil ziren, eta beste hainbeste zauritu, eta eraikin asko birrinduta gelditu ziren.

Geografia

Nagasakik Saga prefektura du mugakide ekialdean. Gainerako aldeetatik, urez inguratuta dago: Ariake badia, Tsushimako itsasartea eta Ekialdeko Txinako itsasoa. Prefekturak uharte asko ditu, hala nola Tsushima eta Iki. Prefekturak itsas portu ugari ditu. Sasebon Estatu Batuetako itsas armadaren base bat dago.

Kyushuren iparraldeko eta mendebaldeko uharteak ere prefektura honetan sartzen dira; Tsushima uhartea, Japonia eta Korearen artean dagoena, Gotō uharteak, Iki uhartea eta Kujūku uharteak.

Prefekturako lurraldearen % 10 natura-parke gisa babestuta dago. Bertan daude Saikai eta Unzen-Amakusa parke nazionalak, besteak beste.

Banaketa administratiboa

Hiriak

Hiri handienak:

1. Nagasaki (hiriburua, 448.792 biztanle)
2. Sasebo (254.650 bizt.)
3. Isahaya (142.635 bizt.)
4. Ōmura (89.650 bizt.)
5. Minamishimabara (52.347 bizt.)

Hiri guztiak:

Gotō Hirado Iki Isahaya Matsuura

Minamishimabara Nagasaki (hiriburua) Ōmura Saikai Sasebo

Shimabara Tsushima Unzen

Herriak barrutika sailkatuta

Higashisonogi barrutia Hasami Higashisonogi Kawatana Kitamatsuura barrutia Ojika Saza

Minamimatsuura barrutia Shinkamigotō Nishisonogi barrutia Nagayo Togitsu

Ondasun nabarmenak

• 
  Nagasakiko Bonba Atomikoaren Museoa.
• 
  Nagasakiko Bonba Atomikoaren biktimentzako Bakezko Oroimenaren areto nazionala.
• 
  Nagasakiko Bakearen Parkea.
• 
  Shimabarako gaztelua.
• 
  Hiradoko gaztelua.
• 
  Urakami katedrala (Nagasaki).
• 
  Sōfuku-ji (Nagasaki).
• 
  Suwa santutegia (Nagasaki).
• 
  Saikai Parke Nazionala.
• 
  Unzen-Amakusa Parke Nazionala.
• 
  Tsushima uhartea.
• 
  Gotō uharteak.
• 
  Iki uhartea.
• 
  Kujūku uharteak.

Kanpo estekak

• Nagasaki prefekturako webgune ofiziala.

• Datuak: Q169376
• Multimedia: Nagasaki prefecture / Q169376