Monzako katedrala

Monzako katedrala (italieraz: Duomo di Monza), Joan Bataiatzaileari eskainitako basilika Italiako katedral katoliko gotikoda. Lehen eraikuntza VI. mende eta VII. mende artean eraiki zen baina ondoren erabat suntsitua izan zen. Gaur egungo eraikuntza 1300ekoa da.

Monzako katedrala
Irudi gehiago
Kokapena
Herrialdea	Italia
Italiako eskualdeak	Lombardia
Probintzia	Monza eta Brianzako probintzia
Chef-lieu	Monza
Koordenatuak	45°35′01″N 9°16′32″E
Historia eta erabilera
Irekiera	VI. mendea
Erlijioa	katolizismoa
Elizbarrutia	Roman Catholic Archdiocese of Milan (en)
Izena	Joanes Bataiatzailea
Arkitektura
Arkitektoa	Matteo da Campione (en)
Estiloa	Italian Gothic architecture (en)
Ondarea
Kontaktua
Helbidea	Piazza Duomo
Webgune ofiziala

Historia

Tradizioaren arabera Theodelindak, Lombardiako erregina, katedral hau eraikitzen erabaki zuen. Kondairaren arabera hitza emana zuen Joan Bataiatzaileari eliz bat eraikiko ziola baina toki egokiena aukeratzeko inspirazioa itxoiten ari zen; egun batean, zaldiz zebilela, zumarrez betetako zegoen Lambro ibaiaren ondoan gelditu zen eta bertan lo gelditu zen. Ametsetan uso bat bere ondoan gelditu zen eta zera esan zion: "Hemen" (Modo). Erreginak "bai" (Etiam) erantzun zion. Bi hitz horietatik, modo+etiam, Modoetia, Monza izena omen dator eta bertan eliza eraiki zuen.

595an Theodelinda‎k otoiztegi bat eraikitzea agindu zuen. Eraikuntza horretatik VI. mendeko orma batzuk besterik ez dira gelditzen. Nahiz eta kapera bukatu gabe egon, erriga hil zenean, 628an, bertan lurperatu zuten. Otoiztegi horren gainean XII. mendean eliz berria hasi ziren eraikitzen.

Egungo eraikina

Basilika 1300tik aurrera erabat berreraikia izan zen, aurreko elizaren aztarnen gainean. Gurutze latindarraren oinplano baten gainean, oktogono zinborioa duen eraikina altxatu zuten. Ondoren, alboetan, bi kapera jarri zituzten. Fatxada Matteo da Campione proiektua jarraituz handitu zuten; Pisako gotikoaren eraginez, horretarako, marmol zuriak eta berdeak erabili ziren. 1500tik aurrera barrualdea berrantolatu zen, batez ere korua. Barrualdean ere margo buztiaz eginiko apaingarriek garrantzia handia dute. Kanpandorrea, Pellegrino Tibaldiren proiektua jarraituz, 1606an eraiki zen. XVIII. mendean, azkenik, ezkerreko aldea egin zen, hilerria, alegia.

Ikus, gainera

• Theodelinda

Kanpo estekak

• (Italieraz):Katedralaren webgune ofiziala
• (Italieraz):Margo guztien irudien webgunea.

• Datuak: Q1236608
• Multimedia: Duomo (Monza) / Q1236608