Mila Ximénez

espainiar kazetaria

Milagros Ximénez de Cisneros Rebollo (Sevilla, 1952ko maiatzaren 21a - Madril, 2021eko ekainaren 23a), ezagunagoa Mila Ximénez izenez, espainiar kazetaria, telebistako kolaboratzailea, idazlea eta bihotzeko prentsako pertsonaia izan zen.

Mila Ximénez
Bizitza
JaiotzaSevilla1952ko maiatzaren 21a
Herrialdea Espainia
HeriotzaMadril2021eko ekainaren 23a (69 urte)
Heriotza modua: birikako minbizia
Familia
Ezkontidea(k)Manuel Santana  (1983 -  1986)
Hezkuntza
Hizkuntzakgaztelania
Jarduerak
Jarduerakkazetaria eta idazlea

IMDB: nm1618095 Twitter: milaximenez Instagram: milaximenezoficial Edit the value on Wikidata

Bizitza aldatu

Manuel Ximénez de Cisneros Muñoz de Leónen (1924-2008) eta Nicolasa Rebollo Burgueñoren (1926-2009) alaba, hiru neba-ahizpa zituen: Concepción (Concha), Manuel (Manolo) eta Encarnación (Nani). 1980ko hamarkadaren hasieran, Manuel Santana tenislariaren bikotekidea izan zen. Harreman horretan zegoela, Alba izeneko alabaz erditu zen 1984ko apirilaren 15ean. Santana eta biak zibiletik ezkondu ziren 1983ko otsailaren 9an, eta garai horretan bere senarraren abizena hartu zuen. 1986an elizatik ezkontzea planeatu bazuten ere, dibortziatu egin ziren. Hamarkada horreren amaieran, José Sacristán aktorearekin harremana hasi zuen.

1986ko otsailean hasita, urtebetez ABC egunkarian kolaboratu zuen, zeinean Café con Mila Santana izeneko asteroko atal baten ardura izan zuen. Bertan, Andrés Segovia, Antonio Mingote, Cayetana de Alba, Leonard Cohen, Plácido Domingo, Terenci Moix, elkarrizketak egiten ditu. Hainbat pertsonaia ezagun elkarrizketatu zituen, hala nola, Antonio Asensio, José María García, Miguel Bosé, Pedro Almodóvar, José María Ruiz-Mateos, Carmen Sevilla eta Boris Becker. Aurretik, tenis aldizkarietan kolaboratu zuen.

Jaime Peñafiel kazetariarekin La Revista (1984) argitalpenean elkarlanean hasi ondoren, 1985 eta 1987 bitartean Encarna Sánchezek zuzentzen zuen Directamente Encarna irratsaioan kolaboratu zuen Cadena COPE katean.

Hainbat urtetako etenaldiaren ondoren, 2000ko hamarkadaren hasieran jarduera profesionalera itzuli zen, telebistara. Telecinco telebista-katean kolaboratzaile hasi zen. Crónicas Marcianas (2004), TNT (2004-2007), A tu lado (2004-2007), La Noria (2007-2012), Sálvame (2009-2021) Deluxe (2009-2021), Abre los ojos... y mira (2013-2014) eta Supervivientes (2015) telebista saioetan aritu zen.

2016an Lecturas aldizkarian En el punto de Mila izeneko bloga idazten hasi zen astero. Urte berean, 2016ko Supervivientes reality showeko lehiakidea izan zen. 2019an Gran Hermano VIP reality showaren 7. edizioan parte hartu zuen.

Bi bilobaren amona zen, bere alaba Albaren aldetik: Alexander (2007) eta Victoria (2012).

2020ko ekainaren 16an, Milak Sálvame telebista saioan iragarri zuen biriketako minbizia zuela.

Erialdi luze baten ondoren, 2021eko ekainaren 23an hil zen Madrilen, bere etxean.

Liburuak aldatu

Kanpo estekak aldatu