Mexiko Hiriko Hirigune Historikoa
Mexiko Hiriko Hirigune Historikoa gaur egungo Mexikoko hiriburua hazi zen jatorrizko hirigunea eta gune arkitektonikoa da. Izaera hori (Tenplu Nagusiko gune arkeologikoan islatua) antzinako Mexiko-Tenochtitlaneraino aztertu daiteke. Hiriko eremu horren eremua bi irizpideren arabera defini daiteke. Zentzu administratiboan, Erdialdeko kolonia osoari eta Cuauhtémoc demarkazioko beste hamazazpi kolonien zati bati dagokie. Bestalde, Antropologia eta Historiako Institutu Nazionalak mugatutako monumentu historikoen eremuari dagokio. Presidentearen 1980ko apirilaren 11ko dekretu bidez mugatu zen, 9.7 kilometro koadroko eremu baten barruan; espainiarren konkista aurreko hiria sortu zen uhartetxo zaharraren erdigunea eta ondoren koloniala izan zena ere barne hartu eta zati batean gainditzen ditu.
| Mexiko Hiriko Hirigune Historikoa | |
|---|---|
 UNESCOren gizateriaren ondarea | |
| Historic Centre of Mexico City and Xochimilco Camino Real de Tierra Adentro | |
 | |
| Kokapena | |
| Estatu burujabe |  Mexiko |
| Federative entity of Mexico | Mexiko Hiria |
| Koordenatuak | 19°25′58″N 99°07′59″W / 19.4328°N 99.1331°W |
 | |
| Arkitektura | |
| Azalera | 910 ha |
| Gizateriaren ondarea | |
| Erreferentzia | 412-001 eta 1351-00 |
| Eskualdea[I] | Latinoamerika eta Karibea |
| Izen-ematea | bilkura) |
| |
Eraikin historikoak aldatu
Zentsu ofizialen arabera eraikin hauek aurki daitezke aipatutako eremu horretan:[1]
- 67 erlijio monumentuak;
- 129 monumentu zibilak;
- 542 eraikin 1972ko legearen arabera;
- 743 eraikin babestea merezi dutenak;
- 111 eraikin ingurugiko balioekin;
- 6 eliza modernuak;
- 17 eraikin pertsonai historikoekin lotuta;
- 78 plaza eta lorategi;
- 19 klaustro;
- 26 iturri eta oroitzeko monumentuak;
- 13 museo zein galeria;
- 12 toki edo eraikin horma-pinturarekin, guztiak XVI. eta XIX. mendeen artean eraikiak.
Zentro historikoa erreskatatzea aldatu
2000. urtean, Mexiko Hiriko Zentro Historikoaren Fideikomisoa sortu zen. Fideikomisoak, Mexikoko Unibertsitate Nazional Autonomoarekin eta Institutu Politekniko Nazionalarekin batera, zonaldearen diagnostiko bat egin zuen, zegoen egoeratik erreskatatzeko eta hura astintzen zuen delinkuentziari aurre egiteko. Horrela, 2001eko abuztuan, Jauregi Nazionalean, Zentro Historikoa erreskatatzeko akordio bat sinatu zuten Errepublikako presidente Vicente Foxek, Barruti Federaleko gobernuburu Andrés Manuel López Obradorrek eta Hirigune Historikoari lotutako herritarren kontseilu batek, besteak beste: Guillermo Tovar de Teresa, hiriko kronikaria; Jacobo Zabludovsky, kazetaria, eta Carlos Slim, enpresaria.[2]
Ordutik aurrera, bai Mexiko Hiriko gobernua bai ekimen pribatua arduratu ziren ingurua biziberritzeaz, abandonuan zeuden etxebizitzak erreskatatuz, eraikin historikoak zaharberrituz, segurtasuna areagotuz eta inguruko hiria hobetuz. Erreskate horrek eta agintariek ingurua elkarbizitza publikorako eta turismoaren erakarpen gisa mantentzeko hartutako konpromisoak Hirigune Historikoa herrialdearen eta hiriaren erreferente bihurtu zuten.[3]
Iruditegia aldatu
-
-
-
-
-
-
Antzinako San Ildefonso ikastetxea -
Autonomia jauregia -
-
-
Tenplu Nagusiko lehenengo fasea.
Erreferentziak aldatu
- ↑ https://www.cultura.gob.mx/turismocultural/destino_mes/cd_mexico/
- ↑ https://web.archive.org/web/20151222090435/http://www.autoridadcentrohistorico.df.gob.mx/index.php/el-centro-historico-de-la-ciudad-de-mexico-es-el-corazon-vivo-de-nuestro-pais
- ↑ https://www.eluniversal.com.mx/metropoli/retiran-del-zocalo-casas-de-campana-vacias-del-frente-nacional-anti-amlo
Kanpo estekak aldatu
- (Gaztelaniaz):Mexiko Hiriko Hirigune Historikoaren webgune ofiziala.
Datuak: Q2146288
Multimedia: Historic centre of Mexico City / Q2146288
