Mallorcaren konkista

Mallorcaren konkista
	Errekonkista
	Madina Mayurqako setioa
Data	1229-1231
Lekua	Mallorca
Emaitza	Aragoiko koroaren garaipena eta Mallorcako Erresumaren sorrera
Gudulariak
Aragoiko koroa; Marseilla; Narbona; Genovako Errepublika; Tenpluko Ordena; Maltako Ordena	Almohadeen kalifa-herria
Buruzagiak
Jakue I.a Aragoikoa; Guillem II de Montcada; Berenguer II.a Paloukoa; Nuño Santxez; Petri I.a Urgellgoa; Hugo IV.a Empúrieskoa; Bernardo Santa Eugèniakoa	Abu Yahya; Abu-l-Ula Idris al-Mamun; Fat Allâh (in Fautil•la); Abu Hafs ibn Sayri; Xuiap Xivertekoa
Indarra
Aragoiar armada; 500 zaldun; 15 000 peoi; Almogavarrak ; 25 itsasontzi ; 12 galera ; Aragoiar Itsas Armada; 18 tarida; 100 itsasontzi	1 000 zaldun ; 18 000 infante

Mallorcaren konkista edo Mallorcako Gurutzada Jakue I.a Aragoikoak burutu zuen 1229 eta 1231 artean. 1229ko abuztuaren 28an, Jakue I.ak Elizaren hierarkia eta buruzagi sekularrarekin Tarragonan berretsi zuen. Itun irekia izan zen non sinatzaile guztiek parekotasunez parte hartu zuten.^[2]

Jakue I.ak Port de Pollençako jaunarekin akordio bat egin zuen kristau gudarosteak bertatik lehorreratu zitezen, baina mistralek gogor jotzen zuen eta uhartearen hegoaldean amaitu ziren. 1229ko irailaren 10eko gauerdian ailegatu ziren egungo Santa Ponçara.^[3] Madina Mayūrqa hiria (egungo Palma Mallorcakoa) hurrrengo urtean erori arren, mendietan musulmanen erresistentzia hiru urtez zirauen.

Konkistaren ondoren, Jakue I.ak Llibre del Repartimenten bitartez kanpainan parte hartu zuten nobleekin lurrak partekatu zituen.^[4] Gero, Eivissa konkistatu zuen, kanpaina 1235ean amaituz. Menorca, berriz, 1231n errenditu zen.^[5] Uhartea okupatu zuenean, Jakue I.ak Mallorcako Erresuma sortu zuen, bere testamenduaren bidez Aragoiko koroaren barnean independente izango zena.^[6] Erresumak bere independentzia mantendu zuen 1344an Petri Zeremoniatsuak Jakue III.a Mallorcakoa mendean hartu arte.

Kataluniarrak gehienak ziren Mallorca birpopulatu zutenean, baina, XIII. mendearen erdialdean, bigarren olatu bat ailegatu zen, italiarrez, okzitaniarrez, aragoiarrez eta nafarrez osaturik. Zenbait mudejar eta judu uhartean geratu ziren, baita eskubideak eta zerga-autonomia ere lortuz.^[7]