Wikipedia

Luz Marina Zuluaga

kolonbiar modeloa

Luz Marina Zuluaga (Pereira, Viejo Caldas, Kolonbia, 1938ko urriaren 31 - Manizales, Caldas, Kolonbia, 2015eko abenduaren 2a) kolonbiar modeloa izan zen, edertasun lehiaketetan jardun zuena. Ezaguna egin zen 1958an Miss Unibertso lehiaketa irabaztean. Sari hori lortu zuen lehen emakume kolonbiarra izan zen.[1] Nazioarteko edertasun-titulu handi bat irabazi zuen hirugarren hispanoamerikarra izan zen, bere aurretik Gladys Zender peruarra Miss Unibertso 1957 izan zen eta Susana Duijm Miss Mundo 1955.[2][3][4][5]

Luz Marina Zuluaga

Bizitza
Jaiotzako izen-deiturakLuz Marina Zuluaga
JaiotzaPereira, 1938ko urriaren 31
Herrialdea Kolonbia
HeriotzaManizales (en) Itzuli, 2015eko abenduaren 2a (77 urte)
Hezkuntza
Hizkuntzakgaztelania
Jarduerak
Jarduerakmodeloa eta edertasun lehiaketan parte-hartzailea
Altuera163 zentimetro
Jasotako sariak
Find a Grave: 155667199 Edit the value on Wikidata

Luz Marina ikur nazionaltzat hartzen da, eta El Tiempo egunkariak XX. mendeko 100 pertsonetako bat izendatu zuen. Bizirik zegoela, bere irudia estanpatxoan eta Nazioaren posta-zigiluan agertu zen lehen pertsona izan zen.

Gaur egun, brontzezko busto bat dago, bere irudiarekin, Manizaleseko emakumearen parkean. Gainera, parke horri bere izena jarri zioten.

Biografia

aldatu

Luz Marina Zuluaga Pereiran jaio zen, baina haurra zela, familiarekin Manizalesera joan zen bizitzera. 18 urte zituela, Señorita Caldas lehiaketara aurkeztu zen, eta lehen postua lortu zuen. Geroago, 1957ko Edertasun Lehiaketa Nazionalean parte hartu zuen, finalisten artean.

1958an eta Doris Gil Santamaría Señorita Colombiak 1957 uko egin ondoren, Luz Marina herrialdearen ordezkari izan zen urte hartan Miss Unibertso lehiaketan.

1958ko uztailaren 25ean, Luz Marina Miss Universo hautatu zuten, Brasilgo Adalgisa Colombo hautagaiarekin eta munduko beste 33 parte-hartzaileren arteko lehia gogor baten ondoren.

Miss Uniberto erreginaldia amaitu ondoren, Enrique Vélez Hoyosekin ezkondu zen. Enriquek otorrinolaringologo karrera amaitu berria zuen eta Ameriketako Estatu Batuetara joan ziren bizitzera. Hantxe izan ziren guraso. Urte batzuk geroago, 1991n, Andrea Vélez alaba Señorita Caldas izan zen.

Señorita Colombia 1957

aldatu

Koroatze ekitaldia egin zenean, Doris Gil Santamaría Señorita Antioquia izan zen irabazlea. Hilabete batzuk geroago, Doris Gilek abdikatu egin zuen, ezkontzekoa zela eta. Sasoi hartan Miss Unibertsoren estatutuek debekatu egiten zuten parte-hartzaileak ezkonduak izatea. Luz Marina Zuluaga ordezkoak izan zuen Miss Unibertso lehiaketara joateko aukera.

Caldas, Nariño eta Amazonasko komisariako departamentuen ordezkaria zen Luz Marina Zuluaga urte hartan.

 
Miss Uniberso saria, 1958, irabazi zuen. Gaur egun Kolonbiako Museo Nazionalean dago.

Miss Unibertso 1958

aldatu

1958ko uztailaren 25ean egin zen lehiaketara lehen aldiz joan zen Kolonbia, 1952an sortu zenetik leku berean Long Beach-era (Kalifornia) Ameriketan Estatu Batuetara. Kolonbiarrak, bainu-jantziko desfilearen ondoren, adituen arreta lortu zuen eta Koroa eramateko gogokoen artean sartu zuten.

15 finalistak ordena alfabetikoan iragarri ziren:

Alemania, Brasil, Txile, Kolonbia, Danimarka, Ameriketako Estatu Batuak, Grezia, Hawaii, Herbehereak, Israel, Japonia, Peru, Polonia, Suedia eta Surinam.

Hauexek izan ziren bost finalistak:

Brasil, Kolonbia, Estatu Batuak, Hawaii eta Polonia.

Azken sailkapena

  • Erregina, Miss Unibertso 1958: Miss Colombia, Luz Marina Zuluaga.
  • Erreginaordea: Miss Brasil, Adalgisa Colombo.
  • Lehen printzesa: Miss Hawái, Geri Hoo.
  • Bigarren printzesa: Miss Ameriketako Estatu Batuak, Eurlyne Howell.
  • Hirugarren printzesa: Miss Polonia, Alacja Bobrowska.

Luz Marina ez zen berehala itzuli Kolonbiara, segurtasun-langileak kezkatuta baitzeuden garai hartako aldakortasun politikoarengatik. Herrira itzuli zenean, Bogotako Techo Nazioarteko Aireportuan hartu zuten, herrialdeko agintari gorenek, une hartan gobernatzen zuen Junta Militarrak barne. Manizalesen hiru egun zibiko izan ziren eta gobernazioak zergarik gabeko etxe bat oparitu zion.

Heriotza

aldatu

Egunsentian, 2015eko abenduaren 2an eta 77 urte zituela, Luz Marina zorabiatu egin zen bihotz-biriketako geldialdia izan zuelako lagun baten apartamentuko bainugelan, bisitan baitzegoen, Santiago de Calitik itzuli ondoren. Leku horretara joan zen Andrea alaba txikia ikustera. Paramedikoak iritsi zirenean, Zuluagak ez zuen bizi-zantzurik eta ezinezkoa izan zen suspertzea. Gorpua gorputegira eraman zuten.[6][7]

Azken egunetan, Luz Marina ongintzazko lanetan kontzentratuta egon zen hiriko baliabide gutxiko haurrekin, eta, gainera, urte berean hil ziren nebaren, suhiaren eta senarraren galerak gainditu behar izan zituen.

Kronologia

aldatu
  • 1938: Pereiran jaio zen, Viejo Caldas -gero Risaralda-.
  • 1957: Señorita Caldas lehiaketan parte hartu zuen Manizalesen izenean, eta hautatua izan zen. Lehiaketa nazionalean ez zuen irabazi, baina irabazleak abdikatzean Miss Unibertsora joateko aukera izan zuen.
  • 1958: Lehiaketan parte hartu zuen lehen kolonbiarra izan zen, eta uztailaren 25ean Miss Unibertso koroatu zuten. Erreginaldiko urtean, kosmetikoen, bainu-jantzien eta munduko produktuen marka desberdinen publizitate-irudia izan zen. Latinoamerikako, Ertamerikako, Estatu Batuetako eta Europako herrialdeak bisitatu zituen.
  • 1959: Bigarren urtez jarraian, Manizalesko feriako erregina hautatu zuten.
  • 1959: Miss Unibertsoren koroa eman zion hurrengoari, Japoniako Akiko Kojimari.
  • 1960: Estatu Batuetara joan da bizitzera, eta hantxe izan zen ama.
  • 1975: Miss Unibertsoren El Salvadorren egin zen 24. edizioan epaimahaikide jardun zuen, Finlandiako Anne Marie Pohtamo finlandiarra erregina hautatuz.
  • 1991: Bere alaba Andreak Caldasen parte hartu zuen Miss Kolonbian, baina ez zen bost finalisten artean sailkatu.
  • 1998: El Tiempo egunkariak XX. mendeko pertsonaia garrantzitsuenetakotzat hartu zuen.
  • 2015: Manizalesen hil zen, bihotz-biriketako geldialdia izan zuelako.

Sariak eta aintzatespenak

aldatu
  • El Tiempo egunkariak XX. mendeko 100 pertsonetako bat izendatu zuen.
  • Estanpatxoan eta Nazioaren posta-zigiluan agertu zen.
  • Busto bat du bere izeneko parkean.

Erreferentziak

aldatu
  1. ↑ (Ingelesez) link, Get; Facebook; Twitter; Pinterest; Email; Apps, Other. (2015-12-02). First Colombian Miss Universe Luz Marina Zuluaga dies suddenly at age 77. (Noiz kontsultatua: 2024-04-30).
  2. ↑ La historia de Luz Marina Zuluaga, Primera miss universo colombiana . El tiempo, 2008. .
  3. ↑ Luz Marina, nuestra primera Miss Universo. El Colombiano, 26 de enero de 2015. .
  4. ↑ Luz Marina Zuluaga. El Tiempo, 2 de agosto de 1998. .
  5. ↑ Miss Universo comparte sangre pereirana. La Tarde, 27 de enero de 2015. .[Betiko hautsitako esteka]
  6. ↑ Luz Marina Zuluaga, la Miss Universo de la eterna sonrisa. El Tiempo, 2 de diciembre de 2015
  7. ↑ (Gaztelaniaz) Televisión, Caracol; TV, Caracol. (2015-12-02). «Murió Luz Marina Zuluaga, primera Miss Universo colombiana» Caracol TV (Noiz kontsultatua: 2024-04-30).

Kanpo estekak

aldatu
Aurrekoa:

Gladys Zender,   Peru

Miss Unibertso

1958

Hurrengoa:

Akiko Kojima,   Japonia

"https://eu.wikipedia.org/w/index.php?title=Luz_Marina_Zuluaga&oldid=9801793"(e)tik eskuratuta