Luis Cernuda

Luis Cernuda Bidón (Sevilla, 1902ko irailaren 21a - Mexiko, 1963ko azaroaren 5a). Espainiar poeta, kritikaria eta itzultzailea, 1927ko Belaunaldiaren kidea.

Luis Cernuda
Bust of Luis Cernuda, Estepona.jpg
Bizitza
JaiotzaEspainia1902ko irailaren 21a
Herrialdea Espainia
HeriotzaMexiko Hiria1963ko azaroaren 5a (61 urte)
Hobiratze lekuaPanteón Jardín (en) Itzuli
Heriotza moduaberezko heriotza
Familia
Bikotekidea(k)Serafín Ferro (en) Itzuli
Hezkuntza
HeziketaSevillako Unibertsitatea
Hizkuntzakgaztelania
Jarduerak
Jarduerakpoeta, idazlea, itzultzailea, unibertsitateko irakaslea eta literatura-kritikaria
Enplegatzailea(k)Mount Holyoke College
Mexikoko Unibertsitate Nazional Autonomoa
Tolosako Unibertsitatea
Lan nabarmenakDonde habite el olvido (en) Itzuli
Genero artistikoaQ78355355 Itzuli

Musicbrainz: 1cb08ce2-5a94-475d-86bf-085d95154f8a Discogs: 1467720 Find a Grave: 6986298 Edit the value on Wikidata
Cernuda jaio zen etxea.

BiografiaAldatu

Sevillan jaioa, bere aita militar zen eta, ondorioz, oso heziketa gogorra pairatu behar izan zuen. Bederatzi urtekin poesia idazten hasi zen. Sevillako Unibertsitatean 1919an Zuzenbidea ikasten hasi zen, 1926an bukatuko zuena. Tarte luze horretan baita ere soldaduska egin zuen. Pedro Salinas irakasle bezala izan zuen eta horrek idazten eta argitaratzen asko lagundu zion. Gerra zibilaren garaian, 1938an, Ingalaterrara joan zen eta han, Oxfordshiren, ihes egindako euskal haurrekin lan egin zuen; bertan hil zen euskal haur bati poema bat eskaini zion, "Niño muerto" ("Hildako haurra"), Las nubes olerki bilduman jasota. 1947an Estatu Batuetara joan zen, Massachusettsera. 1952. urtean Mexikon hartu zuen egoitza. 1963ko azaroaren 5ean Mexiko Hirian hil zen.

ObraAldatu

Lehen literatura idazkiak Cruz y raya eta Revista de Occidente aldizkarietan eman zituen argitara. Poesia landu zuen bereziki. 1931n Los placeres prohibidos (Debekatutako plazerrak) argitaratu zuen; amodioaren eta moralaren arteko gatazka ispilatzen ditu surrealisten ildotik: Perfil de aire (1927, Airezko profila), Egloga, Elegía eta Oda (1928), Un río, un amor (1929, Ibai bat, amodio bat). Donde habite el olvido (1934, Ahanztea bizi den lekua) bildumarekin ahots pertsonalago bat lortu zuen. 1936az gero, poema liburuak atera ahala, izenburu baten azpian bildu zituen, La realidad y el deseo (Errealitatea eta desira). Liburuaren bertsio erabatekoa Mexikon atera zen egilea hil eta urte betera. Bestalde, prosa poetikoa ere landu zuen, Ocnos (1942) izeneko liburuan, esaterako. Kritika lan baliotsuak ere eskaini zituen: Estudios sobre la poesía española contemporánea (1957, Bogota), Poesía y literatura (bi liburuki, 1960 eta 1965. urteetan argitaratuak). 1985an bere antzerki obra bakarra argitaratu zen: "La familia interrumpida".

IdazlanakAldatu

ErreferentziakAldatu

BibliografiaAldatu

  • Cernuda, Luis; Mujika, Luis Mari (itzul.): Miguel Unamuno-ri itzuliriko zazpi soneto. - Egan, 2013-3/4, 205-208.
  • Ibai Ertz, Jesus Lete: Luis Cernuda (1902-1963), Con las horas contadas liburutik. - Egan, 1995-1, 204-207.


Kanpo loturakAldatu