Ireki menu nagusia

Lindus

Euskal Herriko mendia

Lindus edo Lindux Nafarroako ipar-erdialdeko Pirinioetako mendi bat da, Nafarroa Beherearekin duen mugan bertan, Ibañetako mendatetik mendebaldera, Lindus mendilerroan. Bere garaiera 1220 metrokoa da, eta Pirinioetako mendilerro hau osatzen duten mendien artean garaiena da.

Lindus
Datu orokorrak
Garaiera 1.220 m
Geografia
Koordenatuak 43° 01′ 51″ N, 1° 21′ 31″ W / 43.03081667°N,1.3587°W / 43.03081667; -1.3587Koordenatuak: 43° 01′ 51″ N, 1° 21′ 31″ W / 43.03081667°N,1.3587°W / 43.03081667; -1.3587
Herrialdea Euskal Herria
Mendikatea Lindus mendilerroa
Herrialdea Espainia eta Frantzia
Lurraldea Nafarroa Beherea eta Nafarroa Garaia
Mendizaletasuna
Ohiko bidea Ibañeta edo Urepele abiapuntutzat hartuta
Mendikat Mendikat
Luberri Luberri

IrispideakAldatu

Ibañetako mendatetik, ibilbidea, ibilaldi lasaia da, eta errepidetik doa 1090 metrora dagoen Gararbide mendateraino, ondoren, lehen tontorra, Lindusgoitia izenekoa, ertzatzen du eskuinetik eta Lindus lepora irtetzen da, 1166 metroko garaierara, modu erosoan tontorrera iristeko.

Urepeletik abiatzen den ibilbidea luzeagoa da. Gaineko Karrika izeneko auzotik, gorantz doa bide bat, Etxolakatorena baserrirantz, kono formako muino baten iparmendebaldean. Hemen, Hauzai izeneko lepoaren ibilbide seinalizatua hartu behar da. Izatez, lepoa baino zertxobait gorago irtetzen da, Hortz Zorrotz izeneko tontor harritsuan. Toki honetan, igo edo inguratu egin daiteke Urtarai mendia, baina begirada Burdinkurutz lepoan jarriz, nondik berehala heltzen den tontorrera. Beste bide bat hartuta Hairako basoa zeharka daiteke. Gaineko Karrikan, beste bide batetatik, isurialdeen banalerroan dagoen muinora heltzen da, Mearroztegi lepoan, Errola eta Otsamunho mendien hegoaldean. Gailurraren tontorretik jarraitu behar da, bidea alde batera utzita, gorago berriz bertara itzultzeko. Teilariko lepoa edo Nabala izeneko lepora jarraitzen da. Bideak, Hairako ubiderantz begira dagoen aurpegitik jarraitzen du, baina gailurretik jarraitu behar da Hauzai leporantz. Goraxeago, Hortz Zorrotz tontortxoan, aurreko ibilbidearekin lotzen da.

Ikus, gaineraAldatu

Kanpo loturakAldatu