Limpopo (ibaia)
Limpopo[1] Afrikako hego-ekialdeko ibaia da, Hegoafrika, Botswana, Zimbabwe eta Mozambike zeharkaturik Indiako ozeanora isurtzen dena. 1.600 kilometroko luzera du, eta Afrikako eskualde horretako ibai nagusia da.
Limpopo Limpopo River (en) | |
---|---|
Datu orokorrak | |
Mota | ibai |
Luzera | 1.750 km |
Geografia | |
Koordenatuak | 24°11′28″S 26°52′14″E / 24.1912°S 26.8706°E |
Hidrografia | |
Ibaiadarrak | ikusi
|
Arroaren azalera | 440.000 km² |
Arro hidrografikoa | Limpopo basin (en) |
Ur-emaria | 170 m³/s |
Bokalea () | Indiako ozeanoa |
Limpopo Handiko Mugaz Gaindiko Parkea 2000an sortu zuten.
Geografia aldatu
Transvaal probintzian du iturburua, Hegoafrikako iparraldean, eta Hegoafrika, Botswana eta Zimbabweren arteko muga eratzen du. Ikusgarriak dira Zimbabweko goi-ordokiak igaro ondoren sortzen dituen ur-jauziak. Ondoren Mozambiken sartzen da eta, Maputo hiriaren iparraldean, Indiako ozeanora isurtzen.
Historia aldatu
Vasco da Gama izan zen Limpopo ibaia ikusi zuen lehenengo europarra, 1498an. Eskualdeak, hala ere, aspalditik ditu biztanleak; izan ere Mokopanen 3,5 milioi urteko Australopithecus fosila aurkitu zen.
Ibaiadarrak aldatu
- Bubye ibaia,
- Olifants/Letaba ibaia,
- Shashe ibaia,
- Magalakwin ibaia,
- Mzingwane ibaia eta
- Mwenezi ibaia.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-03-30). 167. araua: Saharaz hegoaldeko Afrikako toponimia. .