Leire Palacios

bizkaitar irrati-esataria

Leire Palacios Egiguren (Bilbo, 1986ko irailaren 16a) bizkaitar komunikatzailea, kulturgilea, proiektu arduraduna eta irrati-esataria da. PuntuEus Fundazioan lan egiten du.

Leire Palacios
Bizitza
JaiotzaBilbo1986ko irailaren 16a (35 urte)
Herrialdea Bizkaia, Euskal Herria
Hezkuntza
Hizkuntzakeuskara
Jarduerak
Jarduerakirrati-esataria

Twitter: AnnieSdelMono Edit the value on Wikidata

Gaur egun eta 2017tik bi irratsaio zuzendu eta gidatzen ditu: Sarean irratsaioa Euskadi Irratian eta Irakurrieran Bizkaia Irratian.

Ahotseneako lantaldeko kidea da.

2021eko irailean, ETB1ek 'Munduko plazan' bidaia saioa estreinatu du, berak aurkeztuta. Palaciosek zenbait hiritako txokoak ezagutuko ditu, haietan bizi diren euskaldunen laguntzaz.[1][2][3]

Bizitza eta ibilbideaAldatu

Prestakuntza akademikoaAldatu

Ikus-entzunezko Komunikazioa eta Giza-zientziak lizentziaturak ikasi zituen Mondragon Unibertsitatean. Erasmus egonaldia egin zuen Herberehetan, Windesheim unibertsitatean, ikus-entzunezkoen ekoizpen adarrean.

Nazioarteratzea Enpresaren Arloko Unibertsitate Espezialista graduondoko ikasketak egin zituen Euskal Herriko Unibertsitatean, eta Derrigorrezko Bigarren Hezkuntzako eta Batxilergoko, Lanbide Heziketako eta Hizkuntzen Irakaskuntzako Irakasleen Prestakuntza unibertsitate-masterra Valentziako Unibertsitatean.

Ibilbide profesionalaAldatu

Bilbon jaio eta Basaurin hazi zen. Institutuko ikasle garaian egin zituen lehen lanak herriko El Social aldizkarian kazetari gisa.

2009an EITBn hasi zuen ibilbide profesionala, eta sei urtez albistegietako lantaldean jardun zuen. Egun on Euskadi, Teleberri, Gaur Egun eta Hora GMT saioetan lan egin zuen nazioarteko informazioaren jarraipena eginez. 2012tik aurrera albistegietako lana eitb.eus atarirako lanarekin uztartu zuen eduki digitaletako teknikari gisa.

2012an AnnieSdelMono webgunean lehen sormen-lanak argitaratzen hasi zen. Lan horregatik 2013an Biblograri lehiaketako blog pertsonal onenaren saria jaso zuen, “Literatura, eguneroko zaurgarritasun kosmopolita, liburuen amnesiak, metamorfosiak, bidaiak, sentimenduen lekualdatzeak, utopiak, musika… denetarik eta espero ez dena ere idatzi du egile txukun honek”,[4] adierazi zuen epaimahaiak saria ematerakoan. Bertan sortu zuen #Hitzmoloia ekimena euskara hizkuntzarekin jolastu eta hizkuntzarekiko beldurrak uxatzeko ariketa kolektiboa martxan jarrita.[5]

2013an Euskal Telebistaren lehenengo katean emititu zen Tumatxak musika saioaren lehenengo denboraldian gidoilari lanak egin zituen. Urte bertsuan Euskadi Irratiko Amarauna irratsaioan kolaboratzen hasi zen, literatura hizpide zuela, eta sei urtez, 2019a bitarte, gomendatu zituen liburuak hamabostean behin.

Ondoren, Gaztezulo aldizkariko erredakzioan jardun zuen. Gaztezulon bertan jorratu zituen musika- eta literatura-kazetaritza, argitaratu gabeak diren lanen sormen prozesuetan errotutako Labean saila sortuz eta hainbat erreportaje, artikulu, elkarrizketa eta azal idatziz, artean urteetan Gaztezuloren salduenak izan diren Anari,[6] Martxel Mariskal,[7] Belako[8] edo Amarna Milleren[9] aleak, besteak beste. Horrekin batera aldizkariaren estreinako bideo-elkarrizketak egin zituen musika jaialdi handietan.

Erredakzio lanaz gain, kulturan jarduna elikatu zuen Palaciosek. 2014tik Ahotsenea, Durangoko Azokan,[10] sortzaileen guneko lantaldeko kidea da. 2014tik 2017ra Berria egunkariako Ekografiak[11] zutabea idatzi zuen, estreinako denboraldian astean lau zutabe argitaratuz eta aurrerantzean biko formula proposatu zuen Aritz Galarragarekin batera.

2017an Meatzaleak[12] hainbat euskal sormen prozesu interdisziplinar ardatz izan zituen kultur zikloaren programazioaz, zuzendaritza artistikoaz, eta saioak aurkezteaz[13] arduratu zen, Bilboko Azkuna Zentroan Dijitalidadearekin batera.

Urte bertsuan EITBrekin Greziako kostaldera egin zuen Refugiados, camino a ninguna parte dokumentalaren gidoilari[14] lana egiteko. Dokumental lana amaitutakoan Donostia 2016ko Europako Kultur Hiriburuko lantaldera batu zen Bizitzaren Itsasargiko kultur proiektu humanisten komunikazio ardura hartzeko.

2017ko udan PuntuEus Fundazioak, Euskadi Irratiarekin elkarlanean, ingurune digitalari buruzko irratsaio baten 10 saio egiteko enkargua egin zion.[15] Horrela jaio zen gaur egun gidatzen duen Sarean irratsaioa.[16][17][18] Udazkenean, Euskal Idazleen Elkarteak Bizkaia Irratian egiten Irakurrieran literatur-irratsaioko esatari izendatu zuen. Harrezkero, irratsaiook zuzendu eta gidatzen ditu, ingurune digitalaren eta literaturaren gainekoak.

2018an lehen Euskaraldia ekimeneko komunikazio arduraduna izan zen.

2019tik PuntuEus Fundazioaren proiektu arduraduna da.

2021eko irailean, ETB1en 'Munduko plazan' bidaia saioaren aurkezlea.

LanakAldatu

IrratsaioakAldatu

Urteak Irratsaioa Irrati-katea
2017 - gaur egun Sarean Euskadi Irratia
Irakurrieran Bizkaia Irratia

ErreferentziakAldatu

  1. Urkizu, Urtzi. «Leire Palacios Egiguren: «Ikus-entzunezkoek zentzua dute talde lana direnean»» Berria (Noiz kontsultatua: 2021-09-09).
  2. «'Munduko Plazan' saioaren estreinaldia, gaur Istanbuletik» El Diario Vasco 2021-09-09 (Noiz kontsultatua: 2021-09-09).
  3. «"Munduko Plazan" saio berriaren estreinaldia, gaur gauean, ETB1en eta eitb.eus-en» EITB Euskal Irrati Telebista 2021-09-08 (Noiz kontsultatua: 2021-09-09).
  4. (Gaztelaniaz) Villapun, Jon. (2013-11-29). «Leire Palacios basauriarrak irabazi du Biblogari 2013 lehiaketako blog pertsonal onenaren saria» Bidebieta (Noiz kontsultatua: 2020-11-20).
  5. Irureta, Maialen Unanue. «Txioak, diseinu iturri» Berria (Noiz kontsultatua: 2020-11-20).
  6. all_powerful_Oz. «Anari: "Oso zaila da niretzat hitzekin gustura geratzea"» Gaztezulo (Noiz kontsultatua: 2020-11-20).
  7. all_powerful_Oz. «Martxel Mariskal: "Sormen prozesuak askatzaileak eta terapeutikoak dira"» Gaztezulo (Noiz kontsultatua: 2020-11-20).
  8. all_powerful_Oz. «Belako: "Siesta egiten dugun bakoitzean kontzertutzarra egiten dugu"» Gaztezulo (Noiz kontsultatua: 2020-11-20).
  9. all_powerful_Oz. «Amarna Miller: "Pornoan eboluzionatu dut nire sexualiteak eboluzionatu duelako"» Gaztezulo (Noiz kontsultatua: 2020-11-20).
  10. Leunda, Gorka Erostarbe. ««Korridoreetan jende asko ibiltzen da paseatzen, gehiegi»» Berria (Noiz kontsultatua: 2020-11-20).
  11. Palacios, Leire. «Leire Palacios» Berria (Noiz kontsultatua: 2020-11-20).
  12. r01epd0122e4ed314423e0db04c97a47b5baa317f, r01etpd158aa64558419b9ec5ed77644af02263cda. (2017-01-12). «Azkuna Zentroak, Meatzaleak: Bilbo, euskera, kultura, historia aurkezten du, euskal kultur sortzaileekin Bilboz, Euskal Herriaz eta munduaz sakontzeko elkargunea» www.kulturklik.euskadi.eus (Noiz kontsultatua: 2020-11-20).
  13. NAIZ. (2017-01-12). «Meatzaleak: Bilbo, euskara, kultura eta historia hizpide Azkuna Zentroan» bilbotarra.naiz.eus (Noiz kontsultatua: 2020-11-20).
  14. (Gaztelaniaz) «El documental 'Refugiados, camino a ninguna parte' hoy en ETB2» Euskal Irrati Telebista (Noiz kontsultatua: 2020-11-20).
  15. Lartzanguren, Edu. «Bizimodu digitalari buruzko 'Sarean' irratsaioa egingo du Puntueusek» Berria (Noiz kontsultatua: 2020-11-20).
  16. «Irratsaioak» Sarean .eus (Noiz kontsultatua: 2020-11-20).
  17. Urkizu, Urtzi. ««Iruditzen zait gutxiegi baliatzen ari garela transmedia kontzeptua»» Berria (Noiz kontsultatua: 2020-11-20).
  18. «Sarean | EiTB Euskadi Irratia» www.eitb.eus (Noiz kontsultatua: 2020-11-20).

Kanpo estekakAldatu