Kaio

Kaio
	Kaioa Donostiako Urgull mendian.; Irudi gehiago
Sailkapen zientifikoa
Klasea	Aves
Ordena	Charadriiformes
Familia	Laridae; Vigors, 1825

«Antxeta» orriak hona dakar. Bestelako esanahiei buruzko orria hau da: «Antxeta (argipena)»

Kaioak, antxetak, kalatxoriak, itsastxoriak edo itxasurtzoak itsaso aldean bizi diren hegaztiak dira. Sternidae familiaren txenadekin eta, urrunagoa, zangaluzeekin lotura dute. Gehienak Larus generokoak dira. Tamaina ezberdineko hegaztiak dira, txikiena antxeta txikia (120 gr eta 29 cm) eta handiena kaio beltza (1,75 kg eta 76 cm) izanik.

Hego luze eta sendoak, oin palmatuak, hanka luzeak eta moko kurbatu samarra dute. Sabelalde eta buruko lumajea zuria da eta hegoak ilunagoak. Hondakin organikoak, intsektuak, zizareak eta muskuiluak jaten dituzte. Hegan egiten arinak dira; oinez ere ibiltzen dira, eta ondo egiten dute igeri. Itsasertzetan egoten dira gehienak, baina ibaietan eta aintziretan ere badira batzuk. Taldetan bizi dira, amildegietan edo lurrean egiten dituzten habia sendoetan.