Kronborg gaztelua
Kronborg gaztelua (danieraz Kronborg Slot) Danimarkako Helsingør herrian kokaturik dagoen gaztelua da. Mundu mailan famatua egin zen bertan inspiratu zelako William Shakespeare idazle ingelesa Hamlet idazterako orduan. Parean daukan Suediako Helsingborgekin batera Itsaso Baltikorako sarrera kontrolatzeko eraiki zen itsasarteko aduanak emandako dirua erabiliz.
| Kronborg gaztelua | |
|---|---|
| Kronborg | |
 UNESCOren gizateriaren ondarea | |
 | |
| Kokapena | |
| Estatu burujabe |  Danimarka |
| Estatu | Danimarka |
| Eskualdea | Hovedstaden |
| Udalerria | Helsingør Municipality |
| Koordenatuak | 56°02′19″N 12°37′19″E / 56.038611111111°N 12.621944444444°E |
 | |
| Altitudea | 16 m, itsas mailaren gainetik |
| Historia eta erabilera | |
| Q10488994 | |
| Jabea | Danimarka |
| Gizateriaren ondarea | |
| Irizpidea | (iv) |
| Erreferentzia | 696 |
| Eskualdea[I] | Europa eta Ipar Amerika |
| Izen-ematea | 2000 (XXIV. bilkura) |
| Webgune ofiziala | |
| |
Historia aldatu
Pomeraniako Erik erregeak Øresund itsasartea igarotzeko itsasontziek bidesaria ordaindu behar zutela erabaki zuen, eta hau gauza zedin 1420. urtearen inguruan gotorleku bat eraiki zuen, Krogen izena jarri ziona. 1585. urtean Frederik II erregeak gotorlekua handitzea erabaki zuen eta Kronborg Slot izena jarri zion gazteluari. Europan zegoen berpizkundeko gaztelu handiena zen orduan. 1629. urtean su hartu zuen eta Kristian IV.ak berreraikitzeko lan handiak egin arren gazteluaren barnealdeak ez zuen garai bateko dotorezia eskuratu. 1658. urtean suediarrek erasotu zuten eta gazteluak ahulguneak erakutsi zituenez 1688 eta 1690 artean kanpoko izar itxurako harresiak eraiki zituzten, garaiko Europako gaztelurik indartsuena kontsideratua izan zelarik.
1739 eta 1900 artean Kronborg gaztelua kartzela izan zen. Preso entzutetsuak ere izan zituen, tartean Danimarkako Caroline Mathilde erregina.
2000. urtean Unescok Gizateriaren Ondare izendatu zuen Kronborg gaztelua.
Kanpo estekak aldatu
- (Ingelesez) Kronborg gazteluaren web orri ofiziala
Datuak: Q189358
Multimedia: Kronborg Castle
