Kristo bere gurasoen etxean
Kristo bere gurasoen etxean (1849-50) John Everett Millaisen margolan bat da, Familia Santua irudikatzen duena San Joseren zurgintza tailerrean. Pintura oso eztabaidagarria izan zen lehen aldiz erakutsi zenean, kritika negatibo asko eraginez, horien artean Charles Dickensek idatzitako bat nabarmentzen delarik. Aurretik ezezaguna zen Prerrafaelismoa ospera katapultatu zuen, eta Errealismoari buruzko eztabaidarako ekarpen handia izan zen arteetan.
| Kristo bere gurasoen etxean | |
|---|---|
 | |
| Jatorria | |
| Sortzailea(k) | John Everett Millais |
| Sorrera-urtea | 1849 |
| Izenburua | Christ in the House of His Parents (‘The Carpenter’s Shop’) |
| Mugimendua | Prerrafaelismoa |
| Ezaugarriak | |
| Materiala(k) | olio-pintura eta Margo-oihala |
| Dimentsioak | 86,4 ( ) × 139,7 ( ) cm |
| Genero artistikoa | arte sakroa |
| Egile-eskubideak | jabetza publiko |
| Deskribapena | |
| Iconclass | 73B721 |
| Kokapena | |
| Lekua | Tate Britain (en)  |
| Bilduma | Tate eta National Gallery |
| Inbentarioa | N03584 eta NG3584 |
| Argumentu nagusia | Familia Santua |
Orain Tate Britainen dago, Londresen.
Gaia aldatu
Pinturak Jesus gaztea bere tailerrean Joseri laguntzen irudikatzen du. Jose ate bat egiten ari da, bere arotzeriako lan-mahaiaren gainean. Jesusek eskua moztu du ikusgai dagoen iltze batekin, estigmak sinbolizatuz eta Jesusen gurutziltzatzea aurreirudikatuz. Odolaren zati bat bere oinaren gainera erori da. Jesusen amonak, Anak, pintza batzuekin iltzea kentzen dion bitartean, bere ama kezkatuak, Mariak, musu bat emateko masaila eskaintzen dio. Josek Jesusen esku zauritua aztertzen du. Gazte batek, geroago Joan Bataiatzailea bezala ezagutua izango zenak, ura ekartzen du zauria garbitzeko, beranduago izango zen Kristoren bataioa aurreirudikatuz. Joseren laguntzaile batek, Jesusen apostolu izango direnen ordezkari denak, gertaera hauek ikusi ditu.
Koadroaren hondoan objektu batzuk erabiltzen dira gaiaren esanahi teologikoa are gehiago sinbolizatzeko. Eskailera bat, Jakoben Eskailerari erreferentzia egiten diona, hondoko horman bermatzen da, eta, honen gainean, Espiritu Santua irudikatzen duen uso bat dago. Arotzeriako beste tresna batzuk Hirutasun Santuari dagozkio. Millaisek, ziuraski, Albrecht Dürerren Melankolia I grabatua erabili zuen irudi honen iturri bezala, Quattrocentoaren lanekin batera. Atetik ikusten diren artaldeko ardiek, etorkizuneko artalde kristaua irudikatzen dute[1].
Millais John Rogers Herberten Gure Salbatzaileak bere gurasoei hitz egiten die Nazarethen margolanaren eragina izan zuela iradoki da[2]. Jesus bere tailerrean Joseri laguntzen irudikatzen duen koadro batean ere marraztu ahal izan zuen, bere garaian Annibale Carracciren lana zena[3].
Kritikak aldatu
Pintura oso eztabaidagarria izan zen lehen aldiz erakutsi zenean, arotzeria tailer baten irudikapen errealistagatik, batez ere zikinkeriagatik eta lurreko egur zatiengatik. Horrek kontraste dramatikoa egiten zuen Jesusen familiaren erretratuarekin, haren familiarekin eta haren apostoluekin, erromatar togak gogorarazten zituzten jantziekin. Charles Dickensek Millaisi leporatu zion Maria alkoholikoa dela esatea.
| « | Hain itsusia bere itsusitasunean, non gainerako konpainiatik munstro bat bezala nabarmenduko litzatekeen, Frantziako kabaretik zitalenean, edo Ingalaterrako ginebra-etxerik baxuenean. | » |
Kritikariak ere, Jesusen antzezpenaren aurka agertu ziren, horietako bat, "Salbatzaile gaztea" ume judu ilegorri bat" bezala irudikatuta ikustea "mingarria" zela kexatu zen[4]. Dickensek honela deskribatu zuen: "Ume ilegorria, lepo okerrekoa eta kamisoiarekin, badirudi bultzada bat jaso duela... alboko areka batean jolasten"[5]. Beste kritikari batzuek, pertsonaiek, errakitismo zantzuak eta beheko kaseekin lotutako beste gaixotasun batzuk erakusten zituztela iradoki zuten. Eztabaida zela eta, Viktoria erreginak margolana Buckingham jauregira eramatea eskatu zuen, pribatuan ikusi ahal izateko[6].
Errege Akademian, pintura William Holman Hunt Millaiseko lankidearen laguntzarako pieza batekin erakutsi zen, honek, familia batek zauritutako pertsona bati laguntzen dion historia kristau goiztiarreko eszena bat ere erretratatu zuelarik. "Misiolari kristau bat druiden jazarpenetik babesten duen familia britainiar bat" zuen izenburu.
Erreferentziak aldatu
- ↑ «Chapter 4. Typology in the Visual Arts -- Millais's Christ in the House of His Parents» www.victorianweb.org (Noiz kontsultatua: 2020-06-23).
- ↑ «Our Saviour Subject to His Parents at Nazareth by John Rogers Herbert» www.victorianweb.org (Noiz kontsultatua: 2020-06-23).
- ↑ S., T.; Millais, John Everett; Guille-Millais, John. (1900). «The Life and Letters of Sir John Everett Millais» The Artist: An Illustrated Monthly Record of Arts, Crafts and Industries (American Edition) 27 (241): 284. doi:. ISSN 2151-4879. (Noiz kontsultatua: 2020-06-23).
- ↑ www.engl.duq.edu (Noiz kontsultatua: 2020-06-23).
- ↑ www.engl.duq.edu (Noiz kontsultatua: 2020-06-23).
- ↑ «Wayback Machine» web.archive.org 2008-07-20 (Noiz kontsultatua: 2020-06-23).
Kanpo estekak aldatu
- (Gaztelaniaz) Khan Academyn egindako margolanaren azterketa.
Datuak: Q960157
Multimedia: Christ in the House of His Parents by John Everett Millais / Q960157
