Koreako itsasartea

Koreako itsasartea[1] (japonieraz: 対馬海峡; koreeraz: 대한해협) Ozeano Barearen ipar-mendebaldeko itsasartea da, Japoniako itsasoa, Ekialdeko Txinako itsasoa eta Itsaso Horia lotzen dituena, Hego Korea eta Japoniako Kyushu uhartearen artean. 200 kilometro zabal da batez beste.

Koreako itsasartea
Satellite image of South Korea in January 2004.jpg
Sakonera 227 m
Geografia
Koordenatuak 34° 35′ 58″ N, 129° 47′ 48″ E / 34.599444444444°N,129.79666666667°E / 34.599444444444; 129.79666666667Koordenatuak: 34° 35′ 58″ N, 129° 47′ 48″ E / 34.599444444444°N,129.79666666667°E / 34.599444444444; 129.79666666667
Hidrografia
Ibaiadarrak

Japoniarra den Tsushima uharteak bitan zatitzen du itsasartea. Kuroshio itsaslaster beroaren adarra den Tsushima itsaslasterra izen bereko uhartearen eta Hego Koreako itsasertzaren artetik igarotzen da. 1905. urtean ospe handiko garaipena lortu zuten leku horretan japoniarrek Errusiaren aurkako gerran. Koreako ertzean, portu ugari daude, hala nola Busan, Jinhae edo Masan. Zenbait itsas lineak Busan-Fukuoka eta Busan-Shimonoseki itsasbideak egiten dituzte egunero.

ErreferentziakAldatu

  1. Euskaltzaindia. (2012-06-29). 171. araua: Asiako toponimia. Noiz kontsultatua: 2013-02-11.

Kanpo estekakAldatu