Klovis I.a
Klovis edo Klodoviko I.a[1] (Tournai, 465 – Paris, 511) frankoen erregea izan zen 481-511 bitartean.
| Klovis I.a | |||||
|---|---|---|---|---|---|
 | |||||
481 - 511ko azaroaren 27a ← Txilderiko I.a - Teodoriko I.a Austrasiakoa, Klodomir, Txildeberto I.a, Klotario I.a →
| |||||
| Bizitza | |||||
| Jaiotza | ezezaguna, 466 (egutegi gregorianoa) | ||||
| Herrialdea | Frankoen Erresuma | ||||
| Heriotza | Paris, 511ko azaroaren 27a (44/45 urte) | ||||
| Hobiratze lekua | Abbey of St Genevieve (en)  | ||||
| Familia | |||||
| Aita | Txilderiko I.a | ||||
| Ama | Basina Turingiakoa | ||||
| Ezkontidea(k) | frankish princess (en) Clotilde (en) (493 - 511ko azaroaren 27a) | ||||
| Seme-alabak | |||||
| Haurrideak | |||||
| Leinua | Merovingiar leinua | ||||
| Jarduerak | |||||
| Jarduerak | monarka | ||||
| Sinesmenak eta ideologia | |||||
| Erlijioa | paganismo germaniarra kristautasuna | ||||
  | |||||
Bizitza
aldatuAita Txilderiko I.a hil zenean (481), Tournaiko franko saliarren errege izendatu zuten.[oh 1] Klotilderekin ezkondu zen.
486ean, Soissonsko guduan Siagrio jeneral erromatarra garaitu zuen, "erromatarretan azkena". Alamanei irabazi zien (495), baita burgundiarrei ere (500). 507an, Loira ibaia gurutzatu zuen Tolosa Garonako Bisigodoen Erresuman gaindi, eta Septimaniako mugetara heldu. Alariko II.a erregea hiltzera heldu zen, Vouilléko guduan. Monarkia franko merovingiarraren fundatzailea eta ia Galia osoko errege bakar bihurtu zen. Ondorioz, Erromako berant inperioaren Ekialdeko enperadoreak kontsul titulua eman zion.[2]
Bere emazte Klotilderen eta Reimseko San Remigio apezpikuaren eraginez katolizismora aldatu zen; katolizismoa babestu eta Orléansko kontzilioa bildu zuen (496an gutxi gorabehera). Bere heriotzaren ondoren, erresuma bere lau semeen artean banatu zen: Txildeberto, Klodomiro, Klotario eta Teodoriko.
Genealogia
aldatuIzena
aldatuChlodovech forma frankikoa latindu eta Chlodovechus izena hartu zuen; geroago, berriz, Ludovicus. Frantseseko Louis izena bertatik dator, eta gaztelaniazko Luis ere bai. Euskaraz, jatorrizko Chlodovech formatik sortu zituen Sabin Aranak, bere izendegian, Koldobika izena eta haren laburdura Koldo.
Erreferentziak
aldatu- ↑ Euskaltzaindia. (PDF) 180. arauaː Goi Erdi Aroko pertsona-izenak. Germaniar jatorriko pertsona-izenak. .
- ↑ (Gaztelaniaz) «Derecho pirenaico / Zuzenbide Piriniarra - NabarraldeDenda» www.nabarralde.com (Noiz kontsultatua: 2018-10-06). 215. or.
Oharrak
aldatu- ↑ Franko saliarrek mende hauetan galdu bide zuten beren hizkuntza, frankoniera zaharra, franko ripuarioek ez bezala.
