Ken Follett

Ken Follett
	; Irudi gehiago
Bizitza
Jaiotza	Cardiff, 1949ko ekainaren 5a (75 urte)
Herrialdea	Gales
Familia
Ezkontidea(k)	Barbara Follett (1984 -
Hezkuntza
Heziketa	Londresko University College
Hizkuntzak	ingelesa
Jarduerak
Jarduerak	idazlea, eleberrigilea eta prosalaria
Lantokia(k)	Gales
Lan nabarmenak	ikusi Winter of the World (en) ; Fall of Giants (en) ; Night Over Water (en) ; Lie Down with Lions (en) ; On Wings of Eagles (en) ; The Man from St. Petersburg (en) ; The Key to Rebecca (en) ; A Place Called Freedom (en) ; The Pillars of the Earth; Code to Zero (en) ; The Hammer of Eden (en) ; World Without End; Hornet Flight (en) ; Eye of the Needle (en) ;
Jasotako sariak	ikusi Edgar Awards (1979) : Eye of the Needle (en) ; Bancarella Prize (1999) : The Hammer of Eden (en) ; Corine Literature Prize (2003) : Jackdaws (en) ; Audie Awards (2003) : Jackdaws (en) ; International Thriller Writers Awards (2010) ; honorary doctor of the University of Hertfordshire (2018) ; The Edgar Grand Master saria (2013) ;
	ken-follett.com

Ken Follett (Cardiff, Gales, 1949ko ekainaren 5a - ) galestar idazlea da. Thrillerrak eta eleberri historikoak idatzi ohi ditu. Bere liburuen 100 milioi aletik gora saldu ditu mundu guztian eta horietako asko bestseller eleberriak izan dira, horietan ezagunenak The Pillars of the Earth (Munduaren Pilareak) eta World Without End (Amaierarik Gabeko Mundua) dira, azken hau Gasteizko Santa Maria katedralean oinarritua.

Biografia

Ken Follett Cardiff hirian (Gales) jaio zen eta bertan bizi izan zen 10 urte zituenean bere familiarekin Londresera joan zen arte. Bere gurasoak oso elizkoiak ziren eta ez zioten ez zinera joaten, ezta telebista ikusten uzten ere. Hori dela eta, oso goiz garatu zuen irakurzaletasuna. 1967an University College of Londonera filosofia ikastera joan zen eta bertan, mugimendu ezkertiarretan murgildu zen. Urtebete beranduago, bere lehenengo emazte Maryrekin ezkondu zen.

1970ean graduatu ondoren, hiru hilabeteko kazetaritza ikastaro batean matrikulatu zen eta Cardiffeko South Wales Echon lana lortu zuen kazetari moduan. Hiru urte bertan eman ondoren, Londresera itzuli zen Evening Standarden lanean hasteko. Lan honek betetzen ez zuenez, kazetaritza argitalpengintzagatik utzi zuen eta 70. hamarkadaren amaieran Everest Booksen gestioaren zuzendariorde bilakatu zen. Follett hobby gisa kontakizunak idazten hasi zen eta 1978an lortu zuen arrakasta internazionala Eye of the Needle eleberriari esker. Hortik aurrera Ken Follettek argitaratutako liburu oro oso arrakastatsua izan da eta horietako asko zinera eramanak ere izan dira.

Garai hartan gainera, Alderdi Laboristaren hainbat ekintzetan hartu zuen parte. Bertan 1982an bere bigarren emazte bihurtuko zen Barbara Follett ezagutu zuen. 1997an Barbara Parlamentuko kide aurkeratu zuten eta 2001ean berraukeratua izan zen. Gaur egun, Follett-ek alderdiaren aldekoa izaten jarraitzen du eta diru-biltze lanetan ibiltzen da.

Bere lanak

Ken Follett-en literatur ibilbideak fase desberdinak izan ditu. Lehenengo fasea, denetan arraskatatsuena, espioitza klasikoaren thriller-ean oinarritu zen. Liburu hauen nondik norakoak bai kronologikoki eta bai geografikoki anitzak dira. Lehen Mundu Gerrako Europatik hasi eta garai hartako Iran edo Afganistaneraino. Bere lehen lan hauetan arreta handia jartzen du gauzak nola egin diren ondo azaltzen.

Ken Follett-en estatua Gasteizen.

Bigarren fasean, 80. harmada bukaeratik 90. hamarkada hasierara bitartekoan, eleberri historikoetara jo zuen. Hauen artean The Pillars of the Earth dago, idazlearen ustetan, idatzi duen libururik onena.

90. hamarkadaren bukaeran berriro aldatu zuen bere estiloa eta gaur egungo teknologia berrietaz baliatu zen bere argumentuetan. Hala ere ez zuen esperotako arrakasta lortu eta ondorioz, bere hastapeneko thriller generora itzuli zen.

Bere liburuetako bat, World Without End 2007ko urrian ingelesez argitaratua izan zena The Pillars of the Earth eleberriaren jarraipena da eta Gasteizko Santa Maria Katedralean inspiratua izan zen. Honexegatik, bere liburuaren aurkezpena Gasteizen egin zuen eta bide batez, bera benetako tamainan irudikatzen duen estatua inauguratu zuen.

Gainera, Gasteizera egindako azkenengo bisitan, 2008ko urtarrilaren 9an, saga honen hirugarren zati bat egongo dela adierazi zuen.

Bere azken eleberria Fall of giants 2010eko irailaren 28an 19 herriadetan aldi berean argitaratu zen. Trilogia baten lehen liburua da eta bost famiien historia kontatzen du Lehen Mundu Gerra eta Errusiako Iraultzararen garaian. Trilogia osatuko duten beste eleberriek familia horien ondorengoei buruzkoak izango dira, bata Bigarren Mundu Gerraren garaian eta bestea, gerra hotzarenean.

Bibliografia

The Big Needle (1974) (Simon Myles izenarekin) (The Big Apple - U.S.)
The Big Black (1974) (Simon Myles izenarekin)
The Big Hit (1975) (Simon Myles izenarekin)
The Shakeout (1975)
The Bear Raid (1976)
Amok: King of Legend (1976) (Bernard L. Ross izenarekin)
The Modigliani Scandal (1976) (Zachary Stone izenarekin)
The Mystery Hideout (1976) (Martin Martinsen-ekin) (The Secret of Kellerman's Studio)
The Power Twins (1976) (Martin Martinsen izenarekin)
Paper Money (1977) (Zachary Stone izenarekin)
Capricorn One (1978) (Bernard L. Ross izenarekin)
Eye of the Needle (1978) (Storm Island) (Edgar Award, 1979, Eleberri onena)
Heist of the Century (1978) (Rene Louis Maurice-ekin, besteak beste) (The Gentleman of 16 July - U.S.) (Under the Streets of Nice) (Robbery Under the Streets of Nice)
Triple (1979)
The Key to Rebecca (1980)
The Man from St. Petersburg (1982)
On Wings of Eagles (1983) ISBN 0-451-16353-2
Lie Down with Lions (1986)
The Pillars of the Earth (1989)
Night Over Water (1991)
A Dangerous Fortune (1993)
A Place Called Freedom (1995)
The Third Twin (1996)
The Hammer of Eden (1998)
Code to Zero (2000)
Jackdaws (2001)
Hornet Flight (2002)
Whiteout (2004)
World Without End (2007)
A Columnn of Fire (2017)
The Evening and the Morning (2020)

The Century Trilogy edo Mendearen Trilogia deitutakoa

Erreferentziak

↑ .

Ikus, gainera

Kanpo estekak

(Ingelesez)(Frantsesez)(Gaztelaniaz)(Nederlanderaz)(Italieraz)(Alemanez) Ken Folletten webgunea (elanitza)
(Ingelesez)(Gaztelaniaz) Ken Follett-en egonaldia Gasteizen

Datuak: Q210669
Multimedia: Ken Follett / Q210669

[1] .

[1]

Ken Follett
Irudi gehiago
Bizitza
Jaiotza	Cardiff, 1949ko ekainaren 5a (75 urte)
Herrialdea	Gales
Familia
Ezkontidea(k)	Barbara Follett (1984 -
Hezkuntza
Heziketa	Londresko University College
Hizkuntzak	ingelesa
Jarduerak
Jarduerak	idazlea, eleberrigilea eta prosalaria
Lantokia(k)	Gales
Lan nabarmenak	ikusi Winter of the World ^(en) Fall of Giants ^(en) Night Over Water ^(en) Lie Down with Lions ^(en) On Wings of Eagles ^(en) The Man from St. Petersburg ^(en) The Key to Rebecca ^(en) A Place Called Freedom ^(en) The Pillars of the Earth Code to Zero ^(en) The Hammer of Eden ^(en) World Without End Hornet Flight ^(en) Eye of the Needle ^(en)
Jasotako sariak	ikusi Edgar Awards (1979) : Eye of the Needle ^(en) Bancarella Prize (1999) : The Hammer of Eden ^(en) Corine Literature Prize (2003) : Jackdaws ^(en) Audie Awards (2003) : Jackdaws ^(en) International Thriller Writers Awards (2010) honorary doctor of the University of Hertfordshire (2018) The Edgar Grand Master saria (2013)

ken-follett.com