Wikipedia

Katalina Labouré

Santa Katalina Labouré[1] (frantsesez: Catherine Labouré), jaiotzez Zoé Labouré[2], (Fain-lès-Moutiers, 1806ko maiatzaren 2a – Paris, 1876ko abenduaren 31) San Bizente Paulen Karitateko Alaben elkarteko ahizpa frantziarra izan zen, Ama Birjinaren ikuskaria izan zuena[3].

Katalina Labouré

Bizitza
Jaiotzako izen-deiturakCatherine Labouré
JaiotzaFain-lès-Moutiers, 1806ko maiatzaren 2a
Herrialdea Frantzia
HeriotzaParisko 12. barrutia, 1876ko abenduaren 31 (70 urte)
Hezkuntza
Hizkuntzakfrantsesa
Jarduerak
Jarduerakreligious sister (en) Itzuli eta moja
Santutegia
Otsailaren 8 eta Abenduaren 31
Sinesmenak eta ideologia
ErlijioaErromatar Eliza Katolikoa
Erlijio-ordenaSan Bizente Paulen Karitateko Alabak
Find a Grave: 3244 Edit the value on Wikidata

Bizitza

aldatu

Madeleine Louise Gontard eta Pierre Labouréren alaba, 1806ko maiatzaren 2an jaio zen. Bizi ziren hamaika seme-alabetatik bederatzigarrena zen[4]. Jaio eta biharamunean bataiatu zuten[5] eta Zoé jarri zioten izena[2].

Saint-Rémy herrira joan zen bizitzera, izebaren etxera, ahizpa batekin batera[6]. Hantxe izan zuen apaiz baten ametsa, geroago Bizente Paul bezala ezagutuko zuena[7][8].

12 urte zituela, aitaren etxera itzuli zen. Gero aitak, alaba bokazio erlijiosotik urrundu nahirik, Parisera bidali zuen bere neben langile txiroentzako jantokian lan egitera. Bertan haien sufrimendua ikusi zuen eta Karitateko Alaben elkartean sartzeko gogoa sentitu zuen. 1830eko apirilaren 30ean nobiziotza hasi zuen Bac kalean zegoen komentuan eta 1831ko urtarrilaren 30ean botoak eman zituen. Komentu hartan izan zituen Ama Birjinaren ikuskerak, Milagrosaren Dominaren sorrera ekarri zutenak[9].

Labouréren esanetan, 1830eko uztailaren 19an, San Bizente Paul jaiaren bezperan, kaperara deitzen zion ume baten ahotsa entzun ondoren esnatu zen, non Ama Birjinak esan omen zion: «Jainkoak misio bat kargatu nahi dizu. Kontraesanean egongo zara, baina ez izan beldurrik; behar dena egiteko grazia izango duzu. Esaiozu zure kontzientziako gidariari zure barnean pasatzen den guztia. Garai txarrak dira Frantzian eta munduan»[10].

1830eko azaroaren 27an, Labourék jakinarazi zuen Maria beregana itzuli zela arratsaldeko hausnartzean. Marko obalo baten barruan agertu zen, globo baten gainean zutik; argi izpiak atera zitzaizkion eskuetatik globoaren norabidean. Markoaren ertzaren inguruan «O Maria, bekaturik gabe sortua, otoitz egizu zuregana jotzen dugunon alde» hitzak agertu ziren. Labouré ikusten ari zela, markoa biratzen ari zela zirudien, hamabi izarrez osatutako zirkulu bat, gurutze bat, M letra handi bat eta Jesusen Bihotz Sakratuaren eta Mariaren Bihotz Garbiaren irusi estilizatuak erakutsiz. Mariak irudi hauek Labouréren kontzientziako gidariari eramateko eskatu zion, dominetan jarri behar zirela esanez: «Erabiltzen dituzten guztiek grazia handiak jasoko dituzte»[11].

Hala egin zuen, eta bi urtez bere eguneroko jokabide arrunta ikertu ostean, apaizak artzapezpikuarengana kontatu zuen Labouréren nortasuna agerian utzi gabe. Eskaera onartu eta dominen diseinua Adrien Vachette urregileak garatu zuen[12]. Laster milioika fededun katolikok Milagrosaren Domina erabiltzen hasi ziren. 1854ko abenduaren 8an Pio IX.a aita santuak Andre Mariaren sortze garbiaren aldarrikapenean ere garrantzi handia izan zuen[13].

Botoak eman ondoren, Reuilly herriko ospitale batera bidali zuten Katalina Labouré. Hurrengo berrogei urteak bertan eman zituen, adinekoak eta gaixoak zaintzen[2].

1876ko abenduaren 31n hil zen Parisen, 70 urte zituela. Bere gorputz usteldugabea Parisko Bac kaleko komentuko kaperan dago[5].

Kanonizazioa

aldatu

1933ko maiatzaren 28an, Pio IX.a aita santuak dohatsu izendatu zuen, eta 1947ko uztailaren 27an, Pio XII.a aita santuak kanonizatu zuen. Haren eguna azaroaren 28an ospatzen da[14].

Iruditegia

aldatu
  •  
    Santa Katalina Labouréren irudia
  •  
    Karitateko Alaben komentua (Paris, Bac kalea)
  •  
    Katalina Labouréren omenezko plaka (Paris, Reuilly kalea)
  •  
    Santa Katalinaren gorputz usteldugabea
  •  
    Milagrosaren Domina

Erreferentziak

aldatu
  1. ↑ 66. araua: Santutegiko izen ohikoenak. Euskaltzaindia, 13 or. (Noiz kontsultatua: 2024-01-04).
  2. ↑ a b c (Frantsesez) «Catherine Labouré» Chapelle Notre-Dame de la Médaille Miraculeuse jatorrizkotik artxibatua (artxibatze data: 2021-11-03) (Noiz kontsultatua: 2024-01-04).
  3. ↑ «Katalina Labouré, Santa» Harluxet Hiztegi Entziklopedikoa (Noiz kontsultatua: 2024-01-04).
  4. ↑ (Ingelesez) Poole, Stafford. «Pierre Coste and Catherine Laboure: The Conflict of Historical Criticism and Popular Devotion» Vincentian Heritage Journal 20 (2) 1999-10-01 (Noiz kontsultatua: 2024-01-04).
  5. ↑ a b (Ingelesez) «Story of St Catherine» Association of the Miraculous Medal (Perryville) (Noiz kontsultatua: 2024-01-04).
  6. ↑ (Ingelesez) Aladel, M. (1880). The Miraculous Medal, its Origin, History, Circulation, Results. Philadelphia: H.L.Kilner & Co, 2-3 or. (Noiz kontsultatua: 2024-01-04).
  7. ↑ (Ingelesez) Crapez, Edmond. (1920). Venerable Sister Catherine Laboure, Sister of Charity of St. Vincent De Paul. London: Burns, Oates, & Washbourne, 9 or. (Noiz kontsultatua: 2024-01-04).
  8. ↑ (Ingelesez) «St. Catherine Laboure» Catholic Online Saints jatorrizkotik artxibatua (artxibatze data: 2002-09-19) (Noiz kontsultatua: 2024-01-04).
  9. ↑ (Frantsesez) Chiron, Yves. (2007). Enquête sur les apparitions de la Vierge. Perrin, 175-177 or. ISBN 978-2-262-02832-9..
  10. ↑ (Ingelesez) Dirvin, Joseph I. (1958). Saint Catherine Laboure of the Miraculous Medal. Tan Books & Publishers ISBN 0-89555-242-6..
  11. ↑ (Ingelesez) «St. Catherine Laboure» Catholic News Agency 2012-11-28 jatorrizkotik artxibatua (artxibatze data: 2012-04-06) (Noiz kontsultatua: 2024-01-04).
  12. ↑ (Ingelesez) Mack, John. (2003). The museum of the mind: art and memory in world cultures. British Museum.
  13. ↑ (Frantsesez) «8 décembre. Immaculé conception, solennité» Missel (Noiz kontsultatua: 2024-01-04).
  14. ↑ (Ingelesez) «St. Catherine Laboure» Catholic Online (Noiz kontsultatua: 2024-01-04).

Kanpo estekak

aldatu
"https://eu.wikipedia.org/w/index.php?title=Katalina_Labouré&oldid=9621261"(e)tik eskuratuta