Ireki menu nagusia

Juan Carlos Egillor

Euskal ilustratzailea eta margolaria
Artikulu hau marrazkilariari buruzkoa da; beste esanahietarako, ikus «Egillor».

Juan Carlos Egillor Uribarri (Donostia, 1947ko abuztuaren 15a - Madril, 2011ko martxoaren 21a)[1][2][3] euskal marrazkilari, margolari eta ilustratzaile bat izan zen. Euskadi Sioux aldizkarian, hainbat egunkaritan (Egin eta El Correo Español) eta haurrei zuzendutako Bernardo Atxagaren liburuetan plazaratu zituen bere lanak. Horiez gain, Oskorri eta Ruper Ordorikaren diskoetako azalak ere egin zituen, baita kartelak ere, beste hainbat lanen artean.

Juan Carlos Egillor
Juan Carlos Eguillor (estudioko argazkia).jpg
Bizitza
Jaiotza Donostia1947ko abuztuaren  15a
Herrialdea  Gipuzkoa, Euskal Herria
Heriotza Madril2011ko martxoaren  21a (63 urte)
Hezkuntza
Hizkuntzak gaztelania
Jarduerak
Jarduerak ilustratzailea, margolaria eta komikigilea
IMDb nm0251148

Artista transmedia izateagatik nabarmendu zen batez ere; hau da, komikiak eta ilustrazioak argitaratzen zituen prentsan eta aldizkarietan, liburuak ilustratzen zituen, diseinatzaile jarduten zuen, bere lana galerietan erakusten zuen... eta, horrez gain, gidoilaria, bideo-arte zuzendaria eta Net.art-aren bultzatzailea izan zen.[4] Espainian ordenagailuz sortutako lehenengo bideoa (1986, Reina Sofía Arte Zentroa) egiteagatik ere ezaguna da.[5]

Pott Bandan ere ibili zen, eta apurtzailea izan zen; El Correo egunkarian zintak argitaratzen zituen, esaterako, eta horien artean Mari Agirre pertsonaia zegoen: emakume feminista, gogor eta boteretsua zen, eta diskurtso hori, 60ko hamarkadan, oso aurrerakoia zen.[4]

ErreferentziakAldatu

  1. Juan Carlos Egillor margolari eta ilustratzailea hil da. Berria egunkaria.
  2. Juan Carlos Egillor margolaria hil da. Argia.com
  3. Juan Carlos Egillor margolaria hil da. Gara egunkaria.
  4. a b   Muñagorri Garmendia, Lander (2017-09-28), «Marrazkilariek gaur egun ez daukate non argitaratu», Berria, . Noiz kontsultatua: 2017-10-03 .
  5. (Gaztelaniaz)  Torre, José Carlos (2017) Aproximación al discurso plástico de Juan Carlos Eguillor a partir del fondo de Komikigunea (Koldo Mitxelena Kulturunea) (doktore-tesia) .

Kanpo loturakAldatu