Ireki menu nagusia

BiografiaAldatu

1951n eskuratu zuen doktoregoa Pragan, Karlos Unibertsitatean, eta handik bi urtera editore gisa hasi zen lanean Pragako Odean argitaletxearentzat. 1963ra arte iraun zuen lan hartan, eta 1958an argitaratu zuen lehen eleberria, "Doilorrak". Obra hori 1948an idatzi zuen Škvoreckýk, baina arazoak izan zituen txekoslovakiar zentsurarekin. Gobernuak bere kontra bideraturiko esetsaldiaren ondorioz, ezaguna egin zen. 68 Publishers etxearen sortzaile eta editore izan zen, eta gobernuak begi onez ikusten ez zituen hainbat idazleren lanak eman zituen argitara argitaletxe haren bidez.

1968an, Txekoslovakiako Idazleen Batasunaren Literatura saria eskuratu zuen, baina hurrengo urtean Kanadara erbesteratu behar izan zuen sobietarrek Txekoslovakia inbaditu zutelako. Harrezkero, eskolak eman zituen Torontoko Unibertsitatean. Lehen aipatutako eleberriaz gainera, Škvoreckýrenak dira "Mirariaren jokoa" (1972) eta "Giza arimen ingeniaria" (1977).

ErreferentziakAldatu

Wikimedia Commonsen badira fitxategi gehiago, gai hau dutenak: Josef Škvorecký