Joakim Fraile
Joakim Jose Fraile Mariñelarena (Garinoain, 1930eko ekainaren 2a - Gasteiz, 1998ko abenduaren 11) nafar margolaria izan zen. 1953an hasi zuen bere lana, figuraziotik aldendu gabe, nahiz eta hurrengo hamarraldian abstrakziora jo, interes nagusia espresionismo abstraktuan eta informalismoan jarrita. Gasteizen sortu zen Equipo 63 taldeko kide izan zen, eta talde hari lotuta egon zen 1966an Orain Euskal Eskola Mugimendua sortu zen arte. Schommer, Mieg eta Ortiz de Elgearekin batera, Orain taldeak 1966an Donostian eta Gasteizen egin zituen bi erakusketatan parte hartu zuen, eta haren Manifestua ere sinatu zuen. Taldea desegin ondoren (1968), hurrengo hamarraldian pop-art joeraren alorrean ere egin zuen saiorik. 1980-1994 bitartean, ordea, espresionismo abstraktura itzuli zen.
| Joakim Fraile | |
|---|---|
| Bizitza | |
| Jaiotza | Garinoain, 1930eko ekainaren 2a |
| Herrialdea |  Nafarroa Garaia, Euskal Herria |
| Heriotza | Gasteiz, 1998ko abenduaren 11 (68 urte) |
| Hobiratze lekua | Santa Isabel hilerria |
| Hezkuntza | |
| Hizkuntzak | gaztelania |
| Jarduerak | |
| Jarduerak | margolaria |
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q12260397
