Jingo de Lunch

Jingo de Lunch
Datuak
Jatorria	Berlin (Alemania)
Musika mota	Hardcore punk, Rock
Urteak	1987 - 1996, 2006 -
Produkzioa
Diskoetxea(k)	Phonogram; Hellhound; We Bite; Bonzen; Rookie Records
Taldekideak
	Yvonne Ducksworth; Henning Menke; Steve Hahn; Gary Schmalzl
Lehengo taldekideak
	Joseph Ehrensberger; Tico Zamora; Tom Schwoll;
Informazio gehigarria
	www.Jingo-de-lunch.com

Jingo de Lunch, 1987an Berlinen sortutako Punk eta Hardcore taldea da.

Taldekideak

Yvonne Ducksworth - Ahotsa
Gary Schmalzl - Gitarra
Henning Menke - Bajua
Steve Hahn - Bateria

Lehenagoko taldekideak

Joseph Ehrensberger - Gitarra
Tico Zamora - Gitarra
Tom Schwoll - Gitarra

Historia

Jingo de Lunch, 1987. urtean, Berlineko Kreuzberg auzoan sortu zen. Taldea, Yvonne Ducksworth, Joseph "Sepp" Ehrensberger, Tom Schwoll, Henning Menke eta Steve Hahnek sortu zuten. Partaide hauek, hainbat taldetan ibiliak ziren lehenagotik. Esaterako, Sepp-ek, Berlineko Vorkriegsjugend (1984-1985) taldean eta Zerstorte Jugend taldean ere. Azken honetan, Tom Schwollek ere parte hartzen zuen. Yvonnek berriz, Berlineko Combat Not Conform Punk taldean jo zuen lehenago. Talde hauek desagertzean, Jingo de Lunch taldea sortu zuten Steve Hahn eta Henning Menkeren laguntzarekin.

1987. urtean, lehen entsegutik 3 hilabete pasa zirela, Perpetuum Mobile lehen lana grabatu zuten. 1989an berriz, Axe To Grind LP-a argitaratu zuten. Disko honetan, Heavy Metal influentziak nabariagoak ziren.

Beraien hirugarren diskoarekin (Underdog), lehen kontratu diskografikoa sinatu zuten Phonogram diskoetxearekin. 1991ean B.Y.E. diska kaleratu zuten diskoetxe berberarekin eta 1994ean Deja Voodoo azken lana grabatu zuten, kasu honetan Vertigo diskoetxearekin. 1996. urtean taldea uztea erabaki zuten.

Taldea desagertu ondoren, partaideek hainbat proiektu ezberdinetan hartu zuten parte. Steve Hahnek adibidez, alemaniako Die Toten Hosen edo Beatsteaks taldeentzako lan egin zuen beraien giretan. Tom Schwollek, Extrabreit, Kumpelbasis edota Sin City Circus Ladies bezalako taldeetan jo zuen.

Henning Menkek, Ojo Rojo taldean jo zuen 1999tik aurrera. Honez gain Bad Brians edo Riff Raff taldeetan ere jo izan du. 2005. urtetik aurrera Skew Siskinen hasi zen bajua jotzen.

Sepp Ehrensbergerrek berriz, Bomb Texas taldean jo zuen eta Yvonnek musika mundua utzi zuen Jingo de Lunch desagertzean.

Itzulera

2006. urtean taldea berriz elkartu zen bi kontzertu emateko. Berlinen eman zituzten bi kontzertu hauetako sarrerak agortu egin ziren.

2007an, The INdependent Years diska kaleratu zuten. Bertan, beraien lehen bi disketako abestiak biltzeaz gain, Cursed Earth Ep-ko abestiak eta Subhumans Kanadiarren Fuck you abestia berrargitaratzen dute. Urte berean, Alemania eta Italiatik bira bat egin zuten taldearen sorreraren 20. urteurrena ospatzeko.

2008an Sepp Ehrensbergerrek taldea utzi zuen eta bere ordez Tico Zamora sartu zen. 2010ean berriz beste formazio aldaketa bat izan dute. Tico Zamorak eta Tom Schwoll gitarjoleek taldea utzi dute eta beraien ordez, Gary Schmalzl hasi da gitarjole moduan. Formazio berriarekin, Alemanian kontzertuak eskeintzen hasi dira.

Diskografia

Diskak

Perpetuum Mobile (We Bite, 1987)
Axe To Grind (Hellhound, 1989)
Underdog (Phonogram, 1990)
B.Y.E. (Phonogram, 1991)
Deja Voodoo (Vertigo, 1994)
The Independent Years (Rookie Records, 2007)

Single eta EP-ak

Cursed Earth (Bonzen Records, 1988). EP
Crawl (Phonogram, 1990). EP
Dogs Day (Phonogram, 1994). CD eta EP

Kanpo Loturak

Kanpo estekak

Datuak: Q555177

(Ingelesez) Jingo de Lunch taldearen webgunea
(Ingelesez) Jingo de Lunch taldearen Myspacea