Jesus Mari Elejalde
- Artikulu hau euskal idazleari buruzkoa da; beste esanahietarako, ikus «Elexalde».
Jesus Mari Elejalde Plazaola (Aramaio, 1935eko martxoaren 7a - Gasteiz, 2020ko otsailaren 20a) arabar apaiza eta idazlea izan zen. Lan handia egin zuen sorterriko historia ikertzen eta ezagutzera ematen. Aramaioko Udalak herriko seme kuttun izendatu zuen 1999ko irailaren 26an.[1]
| Jesus Mari Elejalde | |
|---|---|
| Bizitza | |
| Jaiotza | Aramaio, 1935eko martxoaren 7a |
| Herrialdea |  Araba, Euskal Herria |
| Heriotza | Gasteiz, 2020ko otsailaren 20a (84 urte) |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | apaiza eta idazlea |
Bizitza
aldatuJesus Mari Elejalde Aramaioko Azkoaga auzoko Salturralde baserrian jaio zen, 1935eko martxoaren 7an.[2] 24 urterekin apaizturik, Oletan eta Ubidean jardun ostean, Ekuadorrera joan zen misiolari. Aramaiora itzuli, eta bertako parroko izan zen urte luzez. Horrez gain, Fagorren aritu zen lanean hainbat urtez. Aramaioko ondarea jasotzeko lan ugari egin zuen, eta zenbait liburu idatzi zituen. Ameriketatik sorterrira itzuli eta familiako etxean urte luzez bizi izan ondoren, Gasteizko seminarioko erresidentzian eman zituen azken urteak.[1]
Idazlanak
aldatuAramaiori buruzko liburu hauek idatzi zituen:
- Ermitas y caminos del Valle de Aramaiona (1986).
- Aramaioko udaletxea (1988).
- Ayer y hoy del Valle de Aramaiona (1989).
Halaber, hainbeste artikulu argitaratu zituen egunkari eta aldizkarietan.
Sariak
aldatu- 1999ko irailaren 26an, Aramaioko seme kuttun izendatu zuten.
Erreferentziak
aldatu- ↑ a b Iriondo, Julen. Entziklopedia biziari, adio. Goiena, 2020ko maiatzak 11, CC BY-SA, goiena.eus (Noiz kontsultatua: 2022-2-14).
- ↑ Altube Arrese, Mirari. Jesus Mari Elejalde abade aramaioarra hil da. Goiena, 2020ko otsailak 20, CC BY-SA, goiena.eus (Noiz kontsultatua: 2022-2-15).
Kanpo estekak
aldatu- Jesus Mari Elejalde Plazaola, ahotsak.eus
Datuak: Q12260353
