Ireki menu nagusia

Jean Stoetzel (Saint-Dié-des-Vosges, 1910eko apirilaren 23a - Paris, 1987ko otsailaren 21a) frantses psikologo eta soziologoa izan zen. Herri iritziaren azterketa egiteko lehen teknikak sartu zituen Frantzian. Ikasketak bukatuta, gizarte-zientzietako irakasle izan zen Bordeleko Unibertsitatean, 1945-1955 bitartean. Azkeneko urte horretan Parisko Sorbonara joan zen, eta Frantziako gizarte-psikologiako lehen katedra sortu zuen. Herri Iritziaren Frantziako Institutuaren eta Sondages eta Revue Française de Sociologie aldizkarien sortzailea izan zen. Inkesta-sistema hobetu zuen, iritzi-azterketaren metodoaren bidez. Stoetzelen ustez, matematikaren erabilera zientziaren adar batean ezkutukoaren ordez agerikoa jartzea bezala zen, nahasmenduaren lekuan argia egitea azterketaren bidez. Hala, zientziaren orientabidea eman zien iritziari eta jarrerei buruzko ikerkuntzei. Gizarte psikologiaren alorrean, bost arazo nagusi nabarmendu zituen: gizabanakoaren eta haren kulturaren arteko harremanak, gizarte baldintzen eragina gizabanakoaren psikologian, nortasuna eta estatus soziala, pertsonen arteko harremanak, eta taldeen arteko harremanen psikologia. Bere ekarpen nagusia pertsonari eta taldeari buruzko ideiak aberastea izan zen, beste kultura eta gizarte batzuetako kontzeptuen bidez. Lanik aipagarrienak: Iritziei buruzko azterketa esperimentala (1943); Herri iritziaren azterketa (1948); Psikologia soziala (1963).

Jean Stoetzel
Bizitza
Jaiotza Saint-Dié-des-Vosges1910eko apirilaren  23a
Herrialdea  Frantzia
Heriotza Paris1987ko otsailaren  21a (76 urte)
Hezkuntza
Heziketa École normale supérieure
Lycée Louis-le-Grand Itzuli
Pariseko Letren Fakultatea 1943) doctorate Itzuli
Hezkuntza-maila agrégation de philosophiea Itzuli
doctoratea Itzuli
Tesi zuzendaria Maurice Halbwachs
Doktorego ikaslea(k) Dominique Schnapper Itzuli
Hizkuntzak frantsesa
Jarduerak
Jarduerak psikologoa eta soziologoa
Enplegatzailea(k) Centre européen de sociologie et de science politique de la Sorbonne Itzuli
Kidetza Académie des sciences morales et politiques

ErreferentziakAldatu