Isidre Nonell
Isidre Nonell i Monturiol (Bartzelona, 1872ko azaroaren 30a - ib., 1911ko otsailaren 21a) Kataluniako margolari eta marrazkigilea izan zen.
| Isidre Nonell | |
|---|---|
 | |
| Bizitza | |
| Jaiotza | Bartzelona, 1872ko azaroaren 30a |
| Herrialdea |  Katalunia |
| Heriotza | Bartzelona, 1911ko otsailaren 21a (38 urte) |
| Hobiratze lekua | Montjuïceko hilerria |
| Heriotza modua | : Tifusa |
| Hezkuntza | |
| Heziketa | Académie Colarossi (en)  |
| Hizkuntzak | gaztelania katalana |
| Jarduerak | |
| Jarduerak | margolaria eta marrazkilaria |
| Lantokia(k) | Bartzelona eta Paris |
| Lan nabarmenak | ikusi
|
| Kidetza | Colla del Safrà (en) |
| Mugimendua | Postmodernitatea |
 | |
Biografia aldatu
Mirambellekin, Martínez Altésekin eta Lluis Granerrekin egin zituen ikasketak. 1893an Bartzelonako Arte Ederretako Eskolan hasi zen; han Pichot, Vallmitjana, Canals eta Mir ezagutu zituen, eta haiekin batera, Colla de San Martí edo Colla del Safrà izeneko taldea sortu zuen, Sant Martí de Provençals auzoko ikuspegiak margotzen zituena. Garai horretan errealismoaren eta naturalismoaren eragina izan zuen. 1893an, ikuspegien erakusketa egin zuen Bartzelonako Parés Aretoan; 1894an, Bartzelonako Arte Ederretako II. Erakusketa Nagusian eta Talde Artistikoaren Urteroko Erakusketan parte hartu zuen. 1894an, Bartzelonako gertakarien marrazkiak argitaratu zituen La Vanguardia egunkarian. 1895ean Caldes de Boí eskualdera joan zen, eta han zabalduta ikusi zuen kretinismoari buruzko olio eta marrazki asko egin zituen, karikatura kutsua zuen joera espresionistaz. 1897an Parisen egon zen, eta haren koadroak Gauguin, Toulouse-Lautrec eta beste margolarienekin batera ikusgai egon ziren Doesburg galerian. 1899an beste erakusketa bat egin zuen Parisko Vollard galerian. 1903an ijitoei buruzko lanen erakusketa bat egin zuen Parés galerian. 1907az gero, margo arrosak, berdexkak eta horixkak erabili zituen, eta emakumeak ageri ziren koadro asko egin zituen. 1909an marrazkiak argitaratzen hasi zen, Papitu aldizkarian. Haren koadro asko Bartzelonako Arte Modernoko Museoan dira, eta beste asko Bartzelonako arte-bildumagile pribatuen esku.
Erreferentziak aldatu
Wikimedia Commonsen badira fitxategi gehiago, gai hau dutenak: Isidre Nonell  |
Kanpo estekak aldatu
- (Katalanez)(Gaztelaniaz):www.isidrenonell.cat Margolariari eskainitako webgunea.
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q1393742
Multimedia: Isidro Nonell / Q1393742
