Ise (Mie)

Ise (japonieraz: 伊勢市, Ise-shi) Mie prefekturako hiria da. 2012ko erroldaren arabera 123.129 biztanle ditu. Oso ezaguna da Japonian Ise santutegi handiagatik eta Meoto Iwa haitzengatik.

Ise 伊勢市 伊勢市, Ise-shi
Japoniako hiria
Irudi gehiago
Administrazioa
Herrialdea	Japonia
Uhartea Eskualdea Prefektura	Honshu Kansai Mie
Alkatea	Ken'ichi Suzuki (en)
Izen ofiziala	伊勢市 宇治山田町 宇治山田市
Jatorrizko izena	伊勢市
Posta kodea	516-0037
Geografia
Koordenatuak	34°29′15″N 136°42′34″E
Azalera	208,52 km²
Mugakideak	Minamiise (en) , Toba (en) , Shima (en) , Watarai (en) , Tamaki (en) eta Meiwa (en)
Demografia
Biztanleria	122.432 (2020ko irailaren 1a) −5.385 (2015)
Dentsitatea	587,63 bizt/km²
Informazio gehigarria
Sorrera	1955eko urtarrilaren 1a eta 1889ko apirilaren 1a
Ordu eremua	UTC+09:00
Hiri senidetuak	Iida, Saijō (en) eta Nakatsugawa (en)
http://www.city.ise.mie.jp/ www.city.ise.mie.jp

Geografia

Kii penintsularen ekialdean kokaturik dago, Iseko Badiaren ertzean. Hiri guztia Ise-Shima Parke Nazionalaren barnean dago.

Historia

Iseren historia Ise santutegi handiari loturik dago. Santutegiak barnealdea eta kanpoaldea dauka, nahiz eta bien artean sei kilometrotako distantzia egonik bi santutegi direla esan daitekeen. Tarte horretan asentamenduak ezarriz joan ziren, barnealdekoari Uji deitu zitzaion eta kanpoko santutegiari Yamada. Ise santutegiaren garrantzia zela eta Tokugawa shogunerriak garrantzi erlijiosoaz gain garrantzi politiko handia ere eman zion Edo Aroan, eta magistratua ezarri zuen Yamadan.

Meiji berrezarkuntzan 1889an herri biak batu eta Ujiyamada (japonieraz: 宇治山田) sortu zen. 1890 eta 1930 artean Ujiyamada Osaka eta Nagoiarekin trenbidez lotuta gelditu zen eta Santutegiak ikusteko erromesaldiak eta turismoa nabarmen hazi ziren.

Bigarren Mundu Gerrako bonbaketek hiriaren %39a suntsitu zuten. 1946an Ise-Shima Parke Nazionala ezarri zen.

1955 urtean hiriak izena aldatu eta Ise bihurtu zen. Arrazoia dagoeneko Uji (Kyoton) eta Yamada (Fukuokan) egotea zen eta Ise izena aukeratu zuten santutegia zela eta Japonian dagoeneko horrela ezagutzen zutelako hiria.

1959ko irailaren 26an Ise-wan tifoiak bete betean jo zuen Ise. Japoniako tifoirik gogorrena dela estimatzen da. Tifoiaren bidean harrapaturiko 5.000 pertsona hil ziren eta beste 40.000 zauritu.

Ondasun nabarmenak

• Ise santutegi handia: Japoniako santutegi xintoisna sakratuena. "Santutegien santutegia" ere esaten diote.
• Meoto Iwa: Harkaitz ezkonduak.
• Ise-Shima Parke Nazionala: Badia eta itsasadar ugari dituen kostaldean dagoen Parke Nazionala da.
• Kongosho-ji tenplua
• Kawasaki: Aintzinako merkatal etxeen auzoa.
• Edo Wonderland Ise (安土桃山文化村): Edo Aroko parke tematikoa.
• Shintomiza: Zinema independentearen antzokia.

Iruditegia

• 
  Ise santutegi handia.
• 
  Naiku (Ise santutegi handia).
• 
  Meoto Iwa.
• 
  Ise-Shima Parke Nazionala.
• 
  Gereziondoa Miya ibaiaren ertzean.
• 
  Kongosho-ji tenplua.

Kanpo estekak

• (Japonieraz) Iseko webgune ofiziala

• Datuak: Q328067
• Multimedia: Ise, Mie / Q328067