Hygrocybe reidii
Hygrocybe reidii Hygrophoraceae familiako onddo espezie bat da.[1] Itxura politekoa, baina haragi gutxi du eta kalitate gastronomiko gutxikoa.
| Hygrocybe reidii | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Agaricales |
| Familia | Hygrophoraceae |
| Generoa | Hygrocybe |
| Espeziea | Hygrocybe reidii Kühner, 1976 |
Sinonimoa: Hygrophorus reidii.
Deskribapena aldatu
Kapela: 1 eta 4 cm bitarteko diametrokoa, ganbiletik zapalera eta deprimitua erdialdean, ertz irregularra eta oxkarratu eder eta bereizgarri batekin. Azala zertxobait likatsua eguraldi hezean, laranja kolorekoa ertz horiarekin.
Orriak: Zabal, desberdinak, lamelula txiki-txikiekin, dekurrente samarrak, horitik laranjara kolorekoa.
Orri dekurrenteak: Oinera hurbiltzeaz gain, beherantz jarraitzen duten orriak.
Hanka: Zilindrikoa, barnehutsa, kurbatu samarra oinarrian eta laranja kolorea zuritu egiten da hemen.
Haragia: Mehea, urria, haritsua, hori-laranja kolorekoa. Ezti usainekoa eta zaporegabea.[2]
Etimologia: Hygrocybe terminoa grekotik dator eta kapela bustiarekin, esan nahi du. Reidii epitetoa Derek Agutter Reid (1927-2006) mikologo britaniarraren omenez du.
Jangarritasuna aldatu
Ez du sukaldaritzarako balio.[3]
Nahasketa arriskua aldatu
Hygrocybe marchii delakoarekin nahas daiteke, baina honek ez du ertz oxkarraturik ez eta kapelaren ertzean horirik. Beste kolore batzuetako Higrocybe-ak: conica (zahartzean edo ukitzean belztu egiten da); coccinea (gorri-odol kolorekoa); psittacina (kapela berde-oliba kolorekoa eta oina berde-limoi kolorekoa); citrina eta acutoconica (tonu horixkagoak); virginia (zurixka).
Sasoia eta lekua aldatu
Udaberrian eta udazkenean. Larreetan eta goroldio hezeetan. Baso hostozabaletan (artelatza) edo hostogalkorretan (haritzak, gaztainondoak). Ez da ohikoa, ikusi gabe uzten da, txikia baita.
Banaketa eremua aldatu
Kanada, Ameriketako Estatu Batuak, Puerto Rico, Brasil, Guyana Frantsesa, Islandia, Europa, Errusia, Kaukasia, Himalaiako eremua, Nigeria.[4]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 110 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Hygrocybe reidii: GBIF—the Global Biodiversity Information Facility.
Kanpo estekak aldatu
Datuak: Q3915209
Multimedia: Hygrocybe reidii / Q3915209
