Ireki menu nagusia

FamiliaAldatu

Mahendra erregearen bigarren semea zen, Birendraren anaia gaztea. 1950an Tribhuvanek Rana familiaren beldurrez Nepaldik alde egin zuenean Gyanendra gelditu zen errege karguan, erabat sinbolikoa zen arren, hiru urte baino ez baitzituen. Rana familiako Komal Rajyarekin ezkondu zen eta bi haur izan zituzten, Paras printzea eta Prerana printsesa.

Gyanendra printzea zelarik tabakoaren industrian aritu zen eta Katmanduko hainbat luxuzko hotelen jabea da.

ErregealdiaAldatu

1996an Nepalen gerra zibila sortu zen gobernuaren eta alderdi maoisten artean. Giro politiko nahasi horretan 2001ean errege familia osoaren hilketa etorri zen[1][2] eta Gyanendrak hartu behar izan zuen Nepalgo errege kargua. 2005ean parlamentua disolbatu eta herrialdearen botere guztiak bere gain hartu zituen. 2006an Nepalgo zazpi alderdi indartsuenek bat egin zuten eta tronua utz zezan exigitu zioten[3]. Gyanendrak atzera egin behar izan zuen orduan eta koroa mantendu bazuen ere 2007tik aurrera bere eskubideak ia sinboliko izatera pasa ziren.

2008ko maiatzaren 28an Nepal errepublika federala bihurtu zen eta Gyanendrak Katmanduko jauregia utzi behar izan zuen, Nepalen bizitzen utzi zitzaion arren.

ErreferentziakAldatu

  1. Sha dinastiako sendia [1]
  2. (Frantsesez) Sergent, François (2001), «Le parricide royal ébranle le Nepal», Liberation, . Noiz kontsultatua: 2017-01-15.
  3. Berria.eus «Oposizioak ez du Nepalgo erregearen proposamena onartu eta protestek aurrera jarraitzen dute» Berria . Noiz kontsultatua: 2017-01-15.
Wikimedia Commonsen badira fitxategi gehiago, gai hau dutenak: Gyanendra Nepalgoa