Gurutzeta (barrutia)

Gurutzeta Barakaldoko (Bizkaia) 9. barrutia da.^[1] Eustatek emandako datuen arabera barrutiak 12.718 biztanle zituen 2013. urtean,^[2] eta 1,454 kilometro koadroko azalera.^[3] Barakaldoko udalerriaren mendebaldean kokatzen da. Iparraldean Errekaortu-Kareaga barrutiarekin egiten du muga, eta hegoaldean Burtzeña auzoarekin. Barrutiak bi auzoz osatzen da Gurutzeta eta La Paz.

Gurutzeta (9)
Barakaldo
Gurutzetako Ospitalea
Herrialdea	Euskal Herria
Probintzia	Bizkaia
Udalerria	Barakaldo
Auzoak	Gurutzeta eta La Paz
Azalera	1,454 km²
Biztanleria	12.718 (2014)
Dentsitatea	9.119 bizt / km²
Posta kodea	48903

Auzoak

Gurutzeta eta La Paz auzoak oso desberdinak dira elkarrengandik, nahiz eta aldi berean eraiki ziren. 1950eko hamarkadatik aurrerako immigrazioak, ehunka pertsona erakarri zituen Barakaldora, bertako lantegietan lan egitera. Horrela, pertsona haientzako hainbat auzo berri egin ziren. Gurutzeta auzoa, izen bereko plazaren inguruan zabaltzen da, Gurutzetako Ospitalearen ondoan. La Pazeko auzoa berriz A-8 autobidearen mendebaldean hedatzen da, barrutiaren mendebaldean.

La Paz auzoan gune berdeak dira nagusi, etxebizitzak 12-13 pisutako dorreetan batu ziren, eta horrek plaza eta parke ugari eraikitzea posible egin zuen. Gurutzetak bien bitartean hirigintza tipikoagoa dauka, eta gune berdeak urriagoak dira. La Pazeko auzoaren ondoan, hiriko parkerik handiena dago, Gorostitzako parkea alegia.

La Paz auzunearen ikuspegia..
Gurutzetako Plaza.

Zerbitzuak

Bertan eraiki zen 1955ean Residencia Sanitaria Enrique Sotomayor zena, gaur egun Gurutzetako Ospitalea (Osakidetzako erietxe nagusia).
Bilboko metroaren 2. linean Gurutzetako geltokia dago, Ospitalearen ondoan kokatuta.