Gonzalo Tejada
- Artikulu hau Gonzalo Tejada Villaverderi buruzkoa da; beste esanahietarako, ikus «Villaverde».
Gonzalo Tejada Villaverde (Donostia, Gipuzkoa, 1960ko otsailaren 14a -) gipuzkoar musikagilea da.
| Gonzalo Tejada | |
|---|---|
| Bizitza | |
| Jaiotza | Donostia, 1960ko otsailaren 14a (64 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | musikagilea eta musikaria |
| gonzalotejada.com | |
  | |
Kontrabaxu-jotzaile eta konpositorea da, eta jazz-musikari bezala nabarmendu da, nahiz eta oso gaztetan pop- eta rock-taldeetan aritua izan.
Biografia
aldatu1985ean Eiderjazz bikotea osatu zuen Iñaki Gonzálezekin batera, eta hamarkada horren amaieran Tríptico taldea, Josetxo Silguero eta Sorkunde Fernándezekin.
Jazz-musikari famatu askorekin aritua da Gonzalo Tejada, eta izan dituen harreman profesional emankorrenen artean aspaldi honetan Iñaki Salvadorrekin duen elkarlana aipa daiteke. Euskadiko Orkestra Sinfonikoarekin ere bitan aritu da elkarlanean.
Azken urteotan, bere konposizio-lanekin eta emanaldiekin jarraitzeaz gain, Iñaki Salvador Trio taldeko kide da Salvadorrekin eta David Xirgu bateriarekin batera.
Gonzalo Tejadak Donostiako, Baionako, Orthezeko, Gasteizko, Madrilgo eta Getxoko Jazz Jaialdietan parte hartu izan du, eta Donostiako Jazzle eskolan kontrabaxu-irakasle bezala dihardu. Konpositore bezala ere trebatua da: 1990ean Eusko Jaurlaritzak emandako Konposizio Saria eskuratu zuen, eta 1999an bere proposamenik berritzaileenetako bat estreinatu zuen Donostiako Musika Berrien Jaialdian, jazza eta gaurko musika uztartzen dituen En tránsito konposizioa. Lan horretan Et Incarnatus taldea, jazz-hirukotea Gonzalo Tejada bera kontrabaxuan, Iñaki Salvador pianoan eta Daniel Pérez gitarran bildu zituen; eta izen bera eman zion 2000. urtean aurkeztu zuen diskoari, nahiz eta diskoan beste konposizio batzuk ere sartu.
Diskografia
aldatu- Ziklo1 (1994)
- En tránsito (2000)
- Encore (2005)
- Chet Baker Tribute "Live" (2011)
- Norma Jeane Baker (2014, Gaztelupeko Hotsak)[1]
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ «Gonzalo Tejada - Norma Jeane Baker» www.hotsak.com.
Kanpo loturak
aldatu
Datuak: Q12258646
