GE Building

GE Building, Ameriketako Estatu Batuetako New York hirian dagoen Art Déco estiloko bulego etxe orratz bat da. Guztira 259 metro eta 70 solairu dauzka, eta 1933an amaitu zuten eraikitzen. Rockefeller Center-eko eraikin nagusia da. Art Déco estiloko etxe orratz altu gehienek ez bezala, GE Building eraikinak ez dauka bere goialdea orratz batekin errematatuta.

GE Building
Rockefeller Center
eta Irudi gehiago
Kokapena
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Koordenatuak	40°45′32″N 73°58′46″W
Historia eta erabilera
Eraikuntzaren hasiera	1931
Jabea	NBCUniversal Tishman Speyer (en)
Izenaren jatorria	General Electric RCA Corporation
Erabilera	Bulegoa
Arkitektura
Arkitektoa	Raymond Hood (en)
Materiala(k)	altzairua, beira eta Granitoa
Estiloa	Art Déco arkitektura
Dimentsioak	259 () m
Solairuak	70
60
Kontaktua
Helbidea	30 Rockefeller Plaza, New York, NY 10012

1988ra arte, RCA Building izena zeukan, eraikineko erakunde garrantzitsuena Radio Corporation of America zelako. 1988an GE Building izena jarri zitzaion; hots, General Electric-ek RCA korporazioa berrerosi eta bi urte geroago.

GE Building New Yorkeko eraikin ospetsuen eta ezagunenetakoa da.

Associated Architects arkitekto taldeak diseinatu zuen.

"Top of the Rock": eraikinaren goialdeko behatokia

New York hiriaren ikuspegi bat (erdian, Empire State eraikina ikusten da), GE Building eraikinean dagoen Top of the Rock behatokitik lortua.

Eraikinaren goialdean behatoki bat dago, "Top of the Rock" deiturikoa. 75 milioi dolarreko zaharberritze-lanak egin ondoren, 2005eko azaroaren 1ean ireki zitzaion berriro ere publikoari. Behatokia diseinatuta dago transatlantiko baten kubiertarekin antzekotasuna izan dezan. Bisitariei New York hiriaren ikuspegi miresgarria eskaintzen die, Empire State eraikineko 86. solairuko behatokiarekin norgehiagokan.

Ikus, gainera

• Ameriketako Estatu Batuetako eraikinik garaienen zerrenda

Kanpo estekak

• (Ingelesez) Eraikinari buruzko informazioa.

• Datuak: Q680614
• Multimedia: 30 Rockefeller Plaza / Q680614

Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz.