Filipinetako eliza barrokoak

Filipinetako Eliza Barrokoak1 UNESCOren gizateriaren ondarea
San Agustin elizaren barnealdea, Manilan
Mota	Kulturala
Irizpideak	ii, iv
Erreferentzia	677
Kokalekua	Filipinak
Eskualdea2	Asia-Pazifikoa
Koordenatuak	14°35′24″N 120°58′12″E
Izen ematea	1993 (XVII. bilkura)
1 UNESCOk jarritako izen ofiziala (euskaratua) 2 UNESCOren sailkapena

Filipinetako Eliza Barrokoak Unescok 1993an izendatutako Gizateriaren Ondarea da, espainiarren garaiko eliza barrokoak biltzen dituena Filipinetan.

Hauek osatzen dute:

• San Agustin eliza, Manila
• Nuestra Señora de la Asuncion eliza, Santa Maria (Ilocos Sur)
• San Agustin eliza, Paoay (Ilocos Norte)
• Santo Tomas de Villanueva eliza, Miag-ao, (Iloilo)

Ezaugarriak

Eliza hauek Filipinetako historian garrantzi handia izan dute, ez bakarrik uhartedia kristautzerakoan, baita ere Espainiar Inperioaren ezarpen politikoaren funtsa bezala, Estatua eta Eliza harreman estuan ulertzen baitziren.

Elizok espainiar eta latinoamerikar arkitekturan oinarritzen dira, baina bertako ezaugarriei egokituta, txinatar motiboak erabiltzeraino. Sarri, matxinada eta iraultzen erasoak jasan zituzten elizok, eta gotorleku itxura hartu ezinbestean. Argien, Nuestra Señora de la Asuncion elizan ikus daiteke, muino batean tontorrean eraikia, krisialdian zitadela gisa erabiltzen baitzen. Miag-ao herriko eliza ere hainbatetan eraso zuten, hegoaldeko musulmanek. Gainera, Filipinak Ozeano Bareko Suzko Eraztunean kokatuak daudenez, zimentazio eta hormabular sendoak eskatzen zituen, lurrikarei aurre egiteko. Hormabular ikusgarrienak Paoay herriko elizan daude. Horregatik, batzuetan lurrikara barrokoa deitzen zaio estilo berezi honi.

Babesa

Filipinetako Artearentzako eta Kulturarentzako Batzorede Nazionalak (National Commission for Culture and the Arts) beste 26 eliza kontserbatu eta babesteko izendatu ditu, duten garrantzi handia dela-eta. Kultura Altxor Nazional izendatu dituzte. Balio historikoa ez ezik, ekualde bakoitzaren ordezkatzea ere hartu da kontuan:

San Agustin elizaren barnealdea, Manila.

San Agustin eliza, Paoay (Ilocos Norte).

1. San Agustín, Bacong, Negros Oriental
2. Inmaculada Concepción ,Balayan
3. Santiago Apóstol, Betis Guagua, Pampanga
4. Patrocinio de María, Boljoon, Cebu
5. San Pedro y San Pablo, Calasiao, Pangasinan
6. San Vicente de Ferrer, Dupax del Sur, Bizkaia Berria
7. Inmaculada Concepción, Guiuan, Samar oriental
8. Inmaculada Concepción, Jasaan, Misamis oriental
9. San Juan Bautista, Jiménez, Misamis occidental
10. San Isidro Labrador, Lazi, Siquijor
11. San Pedro y San Pablo, Loboc, Bohol
12. Santa Catalina de Alejandría, Luna, La Unión
13. San Carlos Borromeo, Mahatao, Batanes
14. San Guillermo de Aquitania, Magsingal, Ilocos Sur
15. San Gregorio Magno, Majayjay, Laguna
16. Asunción de Nuestra Señora, Maragondon, Cavite
17. San Andrés, Masinloc, Zambales
18. Santa Mónica, Panay, Capiz
19. Cathédrale de San José, Romblon, Romblon
20. San Raymundo de Peñafort, Rizal, Cagayan
21. San Joaquín, San Joaquín, Iloilo
22. San Juan Bautista, Tabaco City, Albay
23. San Ildefonso, Tanay, Rizal
24. Basilique de Michel Ange, Tayabas, Quezon
25. Santa Catalina de Alejandría, Tayum, Abra
26. San Matías, Tumauini, Isabela

Kanpo estekak

• Eliza Barrokoak Tourism Philippines gunean
• Filipinetako jesulagunen elizak izendatzeko proposamena
• Eliza barrokoen izendapena hedatzeko proposamena

• Datuak: Q808563
• Multimedia: Renaissance churches in the Philippines / Q808563