FC Xakhtar Donetsk

FC Xakhtar Donetsk
Ezizena(k)	Hirnyky (Meatzariak), Kroty (Satorrak)
Sorrera	1936
Futbol zelaia	Donbass Arena; edukiera: 52.187 lagun; inaugurazioa: 2009
Presidentea	Rinat Akhmetov
Entrenatzailea	Igor Jovićević
Liga	Ukrainako Premier Liga
2023-24	1.a
Webgunea	Webgune ofiziala

	Etxekoa

	Kanpokoa

FC Xakhtar Donetsk (ukraineraz ФК «Шахтар» Донецьк) Ukrainako Donetsk hiriko futbol talde profesionala da. Gaur egun Ukrainako talde nagusia da azken ligak irabazi baititu. UEFA Kopa bat ere badu.

Historia

Sorrera

Xakhtar Donetsk 1936an sortu zen, hasieran Stakhanovets izenarekin. Izenak "stakhanovtarrak" esan nahi du, Alexey Stakhanov meatzari heroiaren omenez. 1946an Donetskeko meatzari elkarteak Stakhanovite izena ordezkatu eta Shaktyor izena hartu zuenean futbol taldeak ere izen bera hartu zuen.

Sobietar garaia

Taldearen lehenengo garaipenak 60. hamarkadaren hasieran iritsi ziren Oleg Oshenkov entrenatzaile zela. 1961 eta 196ko kopak irabazi zituen. Sobietar Ligarik irabazi ez arren 1975 eta 1979an bigarren postuan gelditu zen. 80. hamarkadan beste bi kopa eskuratu zituen.

Ukraniako garaia

90. hamarkadan Dinamo Kiev izan zen Ukrainako talde nagusia baina 1997an Kopa irabaztearekin batera Xakhtarren "urrezko aroa" iritsi zen, gaur egun ere aurrera darraiena. Batez ere 2005etik aurrera ia dena irabzi du Ukrainan eta hau biribiltzeko 2009ko UEFA Europa Leagueko garaipena iritsi zen, final-erdietan gainera Dinamo Kiev kanporatu zuelarik.

2014-15 denboraldian ordea titulurik gabe gelditu da, Ligan bigarren eta Kopan finala galdu du penalti jaurtiketetan, biak ere Dinamo Kieven aurka. Txapeldunen Ligan Athleticen talde berean egon zen eta bigarren egin zuen. Hurrengo kanporaketa Bayern Munichen aurka jokatu zuen eta lehen partida 0-0 berdintzea lortu bazuen ere Alemanian 7-0 galdu zuen. Denboraldi zaila izan da, Donbaseko gerraren erruz etxetik urrun jokatzen aritu behar izan baitu, Lviven hain zuzen ere.

2015-16 urtean Ligan bigarrena izan zen eta Kopa eta Superkopa irabazi zituen. UEFA Europa Leaguen finalerdietara iritsi zen baina Sevilla FC-k utzi zuen finaletik kanpo. Hurrengo lau urtetan jarraian Ligako txapelduna izan zen.

Uniformea





2013-2015





2015-2017





2017-2019





2019-2021





2021-2023

2023/2024 Taldea

2023ko uztailaren 19an eguneratua.

Zbk.	Postua	Jokalaria
2	AUR	Lassina Traoré
4	ERD	Denil Castillo
5	ATZ	Valeriy Bondar
6	ERD	Taras Stepanenko
7	ERD	Andriy Totovytskyi
8	ERD	Georgiy Sudakov
9	AUR	Maryan Shved
11	AUR	Oleksandr Zubkov
12	ATE	Tymur Puzankov
13	ATZ	Giorgi Gocholeishvili
14	AUR	Danylo Sikan
16	ERD	Dmytro Kryskiv
18	AUR	Kevin Kelsy
20	AUR	Dmytro Topalov
21	ERD	Artem Bondarenko
22	ATZ	Mykola Matvienko
25	AUR	Oleksiy Kashchuk
26	ATZ	Yukhym Konoplya

Zbk.	Postua	Jokalaria
27	ERD	Oleg Ocheretko
28	ATZ	Maryan Faryna
29	ERD	Yegor Nazaryna
31	ATE	Dmytro Riznyk
32	ATZ	Eduard Kozik
34	AUR	Ivan Petryak
44	ATZ	Yaroslav Rakitskyi
45	AUR	Andriy Boryachuk
59	AUR	Bogdan Viunnyk
77	AUR	Khusrav Toirov
81	ATE	Anatoliy Trubin
99	ATZ	Viktor Kornienko
-	AUR	Tetê
-	ATZ	Dmytro Kapinus
-	AUR	Olarenwaju Kayode
-	ERD	Maksym Chekh
-	AUR	Denys Svityukha

Palmaresa

Sobietar Batasunean: 5

SESBeko Liga (0): bigarren 1975 eta 1979an.
SESBeko Kopa (4): 1961, 1962, 1980, 1983.
SESBeko Superkopa (1): 1983.

Ukrainan: 37

Ukrainako Liga (15): 2002, 2005, 2006, 2008, 2010, 2011, 2012, 2013, 2014, 2017, 2018, 2019, 2020, 2023, 2024.
Ukrainako Kopa (14): 1995, 1997, 2001, 2002, 2004, 2008, 2011, 2012, 2013, 2016, 2017, 2018, 2019, 2024.
Ukrainako Superkopa (8): 2005, 2008, 2010, 2012, 2013, 2014, 2015, 2017.

Nazioartean: 2

Europako Superkopa
- Txapelduna (0)
- Finalista (1): 2009.
UEFA Europa League
- Txapelduna (1): 2009.
- Finalerdiak (1): 2016.
Txapeldunen Superkopa (Errusia+Ukraina):
- Txapelduna (1): 2013.

Jokalari ezagunak

Serhiy Rebrov, Dmitro Txigrinski, Elano Blumer, Ciprian Marica, Viktor Onopko, Cristiano Lucarelli.

Euskal taldeen aurkako partidak

Xakhtarrek partida hauek jokatu ditu euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2013-14	Txapeldunen Liga	Multzokako fasea	Real Sociedad Xakhtar	0-2 4-0	Xakhtar Real Sociedad
2014-15	Txapeldunen Liga	Multzokako fasea	Athletic Xakhtar	0-0 0-1	Xakhtar Athletic

Kanpo estekak

(Ukraineraz)(Errusieraz)(Ingelesez)(Portugesez) Webgune ofiziala

Datuak: Q172969
Multimedia: FC Shakhtar Donetsk / Q172969