Ethel Shakespear
| Ethel Shakespear | |
|---|---|
| Bizitza | |
| Jaiotza | Bedford, 1871ko uztailaren 17a |
| Herrialdea |  Erresuma Batua |
| Heriotza | 1946ko urtarrilaren 17a (74 urte) |
| Heriotza modua | berezko heriotza: minbizia |
| Hezkuntza | |
| Heziketa | Bedford High School for Girls (en)  Newnham College (en) Birminghamgo Unibertsitatea |
| Hezkuntza-maila | Zientzietako doktorea |
| Hizkuntzak | ingelesa |
| Jarduerak | |
| Jarduerak | paleontologoa, geologoa eta zientzia ilustratzailea |
| Enplegatzailea(k) | Birminghamgo Unibertsitatea Mason Science College (en) |
| Jasotako sariak | ikusi
|
_rib.PNG){kind=small}
 |
Artikulu hau hobetzeko lanean ari da Lurdeswiki lankidea. Hori dela eta, beharbada hutsuneren batzuk izango dira edukian edo formatuan. Mesedez, aldaketa handi bat egin baino lehen, eztabaida ezazu haren lankide orrian edo artikuluaren eztabaida orrian, erredakzioa koordinatzeko. |
Ethel Mary Reader Shakespear (Bedfordshire, 1871ko uztailaren 17a - 1946ko urtarrilaren 17a) britainiar geologo, funtzionario publiko eta filantropoa izan zen, eta hainbat aintzatespen jaso zituen, bai zientzia-lanarengatik, bai bere lan filantropikoarengatik.[1] Bere lanik ezagunena, Monograph of British Graptolites, Paleontologian erreferente izan zen urte askoan. Lower Ludlow Formation-en lanagatik ere ezaguna izan zen.[2]
Biografia
aldatuEthel Wood 1871ko uztailaren 17an jaio zen Biddenhamen, Bedfordshire-n, Henry Wood elizgizonaren alaba gazteena. Bedford High School eta Newnham Collegen Cambridgeko Unibertsitatean hezia izan zen (1891-95), Natur Zientzietan graduatuz.[2] 1896an, ikasketak amaitu ondoren, Charles Lapworthen laguntzaile gisa hasi zen lanean Mason Collegen (geroago Birminghamgo Unibertsitate bihurtu zena), eta bere begiradapean ikerketa geologikoan aritu zen.[3]
Lapworthek eskatuta, Monograph of British Graptolites bere lanik ezagunena prestatzen hasi zen, Gertrude Elles unibertsitateko lagunarekin. Woodek ilustrazioak egin zituen, Ellesek deskribapenak eta Lapworthek sarrera. Monografia hau, 1901etik 1918ra bitartean argitaratu zena, urte askotan zehar erreferentziazko lan paleontologiko izan zen.[4]
1906an Birminghamgo Unibertsitatean doktoregoa lortu zuen eta handik gutxira Gilbert Arden Shakespear, Cambridgen ezagutu zuen unibertsitateko fisika irakaslearekin ezkondu zen. Alaba bakarra izan zuten, baina haurtzaroan hil zen. Lehen Mundu Gerran militar ezinduei laguntzen aritu zen. Birminghameko Gerrako Pentsioen Batzordeko ohorezko idazkaria izan zen, eta Pentsioen Ministerioko Dirulaguntza Berezien Batzordeko kide 1917tik 1926ra. Birminghameko bake epaile izendatu zuten 1922an, eta langile klaseko haurrekin lotutako kasuetan espezializatu zen. Familia-bisita bat zen aldi baterako harrera-etxeetan, eta emakume eta neska pobre asko gonbidatu zituen Caldwell Hall, Upton Warren, Worcestershireko beren etxean geratzera.[2]
Minbiziak jota hil zen, 1946an, 74 urte zituela.
Aintzatespenak
aldatuEthel Shakespear Geological Society of Londoneko kide izendatu zuten 1919an, eta Murchison domina jaso zuen 1920an egindako lanagatik.[5] Gainera, Britainiar Inperioaren Ordenako (MBE) kide izendatu zuten 1918an, gerran egindako lanagatik, eta Britainiar Inperioaren Ordenako (DBE) Komandante Dama, 1920ko gerrako ohore zibiletan.[6]
Erreferentziak
aldatu- ↑ (Ingelesez) «Shakespear [née Wood, Dame Ethel Mary Reader (1871–1946), public servant and geologist»] Oxford Dictionary of National Biography doi:. (Noiz kontsultatua: 2024-07-29).
- ↑ a b c (Ingelesez) Elles, G. L.. (1946-03). «Dame Ethel Shakespear, D. B. E» Nature 157 (3983): 256–257. doi:. ISSN 1476-4687. (Noiz kontsultatua: 2024-07-29).
- ↑ (Ingelesez) Lockyer, Sir Norman. (1946). «Dame Ethel Shakespear». . Nature 157: 256 (Noiz kontsultatua: 2024-07-29).
- ↑ (Ingelesez) Burek, Cynthia V.; Higgs, Bettie; London, Geological Society of. (2007). The Role of Women in the History of Geology. Geological Society of London ISBN 978-1-86239-227-4. (Noiz kontsultatua: 2024-07-29).
- ↑ Burek, C.V.. «The first female fellows and the status of women in the Geological Society». Lewis, C. & Snell, S. Eds. (2009) The making of the Geological Society. p. 317, 373-407.
- ↑ The Times (Londres, Inglaterra).. , 13 or..
Datuak: Q5403213
