Errutilo hegalgorri

Errutilo hegalgorri edo errutilo hegatsgorri (Achondrostoma arcasii) Achondrostoma generoko animalia da. Arrainen barruko Actinopterygii klasean sailkatzen da, Cyprinidae familian.

Errutilo hegalgorri
Irudi gehiago
Iraute egoera
Kaltebera  (IUCN 3.1)
Sailkapen zientifikoa
Erreinua	Animalia
Filuma	Chordata
Klasea	Actinopteri
Ordena	Cypriniformes
Familia	Cyprinidae
Generoa	Achondrostoma
Espeziea	Achondrostoma arcasii (Steindachner, 1866)
Banaketa mapa

10 cm inguru izaten da luze, eta 40 g pisatzen ditu gehienez. Bizkarraldea urdina du, eta sabelaldea zilar kolorekoa. Azpiko hegalak gorriak izaten ditu, eta aldean marra oso markatua. Alde bakoitza 36 eta 48 ezkata-filaz osatuta dago. Horretaz gain, 7 hezur dauzka hegaletan, eta 4 eta 6 hortz faringeo artean.

Haien ugaltze-garaia maiatz eta ekain artean da, eta kanpoko ernalketa bidez ematen da, arrautzak substratu baten gainean ipiniz.

Banaketa

Mendiko erreka eta lakuetan bizi da, Amuarrain arruntarekin asoziazioan. Iberiar penintsulan, laku endorreikoetan bizi den espezie autoktono bakarra da. Erreken behe-ibilguan ere topa daiteke, hondo loditsua eta ur-landare zingiratsuak dituztenean bereziki, hala nola, Miñoko estuarioaren ibaiadarretan. Iberiar penintsulako espezie endemikoa da.

Elikadura

Arrain oportunista bat da, gehienbat ur-ornogabeetan oinarritutako dietarekin. Hala ere, erreka batzuetan bere elikadurak konposagai detritiboro handia izan dezake, ur-landare batzuk ere integratuz. Elikadura-eredu hau egokitze-estrategia bat izan daiteke, bereziki erreka mediterraneoen kasuan, non sasoien arteko ezberdintasun markatua dagoen.

Ikus, gainera

• Achondrostoma
• Cyprinidae

Kanpo estekak

• FhisBase.org

• Datuak: Q591612
• Multimedia: Achondrostoma arcasii / Q591612
• Espezieak: Achondrostoma arcasii