Entoloma chalybaeum
Entoloma chalybaeum Entolomataceae familiako onddo espezie bat da.[1] Oso txikia eta urria delako babestu beharreko espeziea da. Ez da kontsumitzen.
Entoloma chalybaeum | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Entolomataceae |
Generoa | Entoloma |
Espeziea | Entoloma chalybeum Noordel., 1982 |
Sinonimoa: Rhodophyllus lazulinus, Leptonia lazulina, Acurtis chalibaeus, Agaricus columbarius, Rhodophyllus chalybaeus, Hyporrhodius chalybaeus, Acurtis chalybaeus.
Deskribapena
aldatuKapela: 1,5 eta 2,5 cm bitarteko diametrokoa, hemisferikotik ganbilera, erdia deprimitu-unbilikatua, ertza ildaskatua gardentasunagatik. Kapela urdin ilun kolorekoa, ezkata fin-finekin, ez oso higrofanoa.
Orriak: Desberdinak, sabeldunak, zabal, adnatuen eta eskotatuen tartekoa, krema urdinxka kolorekoa edo arrosa espora-jalkinaren ondoren, ertz zuria.
Orri eskotatuak: Oinera iritsi baino lehentxeago eskote txiki bat duten orriak.
Hanka: 2 eta 4 cm bitarteko garaierakoa, zilindrikoa, barnehutsa, gainazal leuna edo luzetarako ezkata finekin, kapelaren kolorekoa, kotoizko oinarri zuria, mizelio burdintsuekin estalia, sustrai antzekoekin.
Haragia: Urdinxka (oinean urdin-grisa eta ilunagoa pileoan), fina, mintzezkoa. Usaingabea eta zaporegabea. Espora-jalkina arrosa kolorekoa.[2]
Etimologia: Entoloma hitza grekotik dator, ertza barrurantz biribildua esan nahi du.
Jangarritasuna
aldatuInteres gastronomikorik gabea.
Nahasketa arriskua
aldatuEntoloma serrulatum dena urdinxka da, orrien ertzak ere bai. Entoloma corvinum-ek orri zuriak ditu eta lurrean hazten da. Entoloma euchroum-ek orri zuriak ditu eta egurrean hazten da.[3]
Sasoia eta lekua
aldatuIraila-azaroa, baita abenduan ere. Belardietan, basoetako soilgune belartsuetan, orbeletan edo pinu gorrien eta artederretako belarretan.
Banaketa eremua
aldatuKanada, Ameriketako Estatu Batuak, Mexiko, Birjina britainiar uharteak, Brasil, Europa, Kaukasia, Errusia, Papua Ginea Berria.[4]
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 223 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Entoloma chalybeum: GBIF—the Global Biodiversity Information Facility.